13:46, 08 - تامىز 2022 | GMT +6
تۇركيا رەسەي گازىن رۋبلمەن ساتىپ الادى
نۇر- سۇلتان. قازاقپارات - رەسەي پرەزيدەنتى ۆلاديمير پۋتين مەن تۇركيا باسشىسى رەجەپ تايىپ ەردوعان ۇلتتىق ۆاليۋتاداعى ەسەپ ايىرىسۋعا كەزەڭ- كەزەڭىمەن كوشۋ تۋرالى كەلىسىمگە كەلدى، دەپ حابارلايدى «حابار 24».
باستاپقىدا تاۋارلاردىڭ ءبىر بولىگى، ونىڭ ىشىندە تۇركياعا جەتكىزىلگەن گاز تەك رۋبلمەن تولەنەدى. بۇل تۋرالى كورشى ەلدىڭ ۆيتسە- پرەمەرى الەكساندر نوۆاك مالىمدەدى.
ونىڭ ايتۋىنشا، بۇل ەكى ەل اراسىنداعى اقشا- قارجى قاتىناسى ءۇشىن جاڭا كەزەڭ ءارى مۇمكىندىك. بۇدان بولەك، سوچيدە وتكەن كەزدەسۋدە پۋتين مەن ەردوعان «تۇرىك اعىنى» گاز قۇبىرى جەلىسى جۇمىسىن دا تالقىلادى.