ق ر پرەزيدەنتىنە كۋرچاتوۆقا عىلىم قالاشىعى مارتەبەسىن بەرۋ ۇسىنىسى جاسالدى

وسكەمەن. قازاقپارات - اباي وبلىسىنىڭ كۋرچاتوۆ قالاسىندا عىلىمي ۋنيۆەرسيتەت اشىلادى. بۇل تۋرالى بۇگىن اباي وبلىسىنىڭ اكىمى نۇرلان ۇرانحايەۆ كۋرچاتوۆ تۇرعىندارىمەن كەزدەسۋدە ايتتى، دەپ حابارلايدى قازاقپارات ءتىلشىسى.

ءوڭىر باسشىسى حالىقتى تولعاندىرعان سۇراقتارعا دا جاۋاپ بەردى. اتاپ ايتقاندا، قالا تۇرعىندارى ج ە و سالۋ، جولداردى اباتتاندىرۋ جانە كۋرچاتوۆقا عىلىم قالاسى مارتەبەسىن بەرۋ ماسەلەلەرىن قوزعادى.

«مەن جاعدايدى جاقسى بىلەمىن. ج ە و قۇرىلىسى جوسپاردا بار. جىلۋمەن قامتۋ ماسەلەسى وتكىر. ءبىز وسى باعىتتا جۇمىس ىستەپ جاتىرمىز. سىزدەردى جىلۋسىز قالدىرمايمىز. سونداي- اق ا ە س سالۋ ماسەلەسى دە شەشىلۋدە. مەن مەملەكەت باسشىسىمەن كەزدەسۋدە كۋرچاتوۆقا عىلىم قالاشىعى مارتەبەسىن بەرۋ تۋرالى ۇسىنىس ايتتىم. وسىندا عىلىمي ۋنيۆەرسيتەتتىڭ اشىلۋى كۇتىلۋدە. قالاداعى بۇكىل ينفراقۇرىلىمدى قالپىنا كەلتىرۋ كەرەك»، - دەدى وبلىس اكىمى.

نۇرلان ۇرانحايەۆتىڭ ايتۋىنشا، كۋرچاتوۆ قالاسىندا كەلەشەكتە ارنايى عىلىمي توپ قۇرىلىپ، ۋنيۆەرسيتەتتىڭ باعدارى تۋرالى كەلىسسوز وتكىزىلەدى.

اۆتور تالعاتجان مۇحامەتبەك ۇلى