فينليانديادا ەكى ميلليون توننا قۇلپىناي ءشىرىپ كەتۋ الدىندا تۇر

نۇر-سۇلتان.قازاقپارات - بيىل فينليانديادا شامامەن ەكى ميلليون توننا قۇلپىناي جينالماي قالۋى مۇمكىن، دەپ حابارلايدى Lenta.ru.

ەلدەگى جالپى ەگىننىڭ 15 پايىزىن قۇرايتىن جەمىستىڭ جينالماي قالۋىنا جۇمىسشىلاردىڭ جەتىسپەۋشىلىگى سەبەپ. بۇرىن فينلياندياعا قۇلپىناي تەرۋگە جۇمىسشىلار ۋكراينادان كەلەتىن. الايدا قاقتىعىس سالدارىنان جۇمىس كۇشى اعىنى ايتارلىقتاي ازايعان. كاسىپكەرلەر وسى ۋاقىتقا دەيىن جۇمىس كۇشىن ىزدەستىرۋ ارەكەتتەرىنىڭ ەش ناتيجە بەرمەگەنىنە شاعىمدانۋدا.

تايلاندتان كەلگەن ەڭبەك ميگرانتتارى ۋكرايندىق جۇمىسشىلاردى الماستىرۋى مۇمكىن، ءبىراق ولاردىڭ ەگىندى ساقتاپ قالا الاتىنى ازىرگە بەلگىسىز. بۇعان دەيىن لاتۆيا فەرمەرلەرى قۇلپىناي جيناۋدا ۋكراين جۇمىسشىلارىنىڭ تاپشىلىعىنا الاڭداعان. شارۋالار زور شىعىنعا ۇشىراعانىنا شاعىمدانا باستادى. ولار سونداي- اق بيلىكتەن ۋكراينادان ەڭبەك ميگرانتتارىنىڭ ەلگە كەلۋىنە ىقپال ەتۋدى سۇراۋعا نيەتتى ەكەنىن مالىمدەدى.

www.24.kz