گولوۆكين كارەراسىن جالعاستىرا ما، الدە بوكستان كەتە مە؟

نۇر-سۇلتان.قازاقپارات - ابەل سانچەس گولوۆكيننىڭ مانسابى جايلى پىكىرىن ايتتى.

گەننادي گولوۆكيننىڭ (42-1-1, 37 ك و) مەكسيكالىق ساۋل كانەلو الۆارەسكە (57-2-2, 39 ك و) قارسى ءۇشىنشى جەكپە- جەگى قازاقستاندىق بوكسشى ءۇشىن شەشۋشى بولماق.

مۇنداي پىكىردى GGG- ءدىڭ بۇرىنعى باپكەرى ابەل سانچەس ءبىلدىردى. ونىڭ ايتۋىنشا، تريلوگيانىڭ ناتيجەسى گولوۆكين كارەراسىن جالعاستىرا ما، الدە بوكستان كەتۋگە بەل بۋا ما، سونى انىقتايدى.

«مەنىڭ ويىمشا، بۇل - GGG ءدىڭ سوڭعى جەكپە- جەگى. ول جەڭىلەدى دەپ ويلاعاندىقتان ەمەس، ول قازىردىڭ وزىندە جاساعان ىسىنە، ءوز تاريحىنا ريزا دەپ ويلايمىن. ول كانەلونى جەڭۋى كەرەك. ەگەر گولوۆكين جەڭسە، وندا ول جالعاستىرادى. ءبىراق جەڭە الماسا، سپورتتان كەتەدى دەپ ويلايمىن»، - دەپ كەلتىردى izquierdazo.com سانچەستىڭ ءسوزىن.

ەسكە سالايىق، گولوۆكين مەن الۆارەس اراسىنداعى ءۇشىنشى جەكپە- جەك 17-قىركۇيەكتە لاس- ۆەگاستاعى (ا ق ش) T- Mobile ارەناسىندا وتەدى. كانەلو ەكىنشى ورتا سالماقتاعى ابسوليۋت چەمپيون اتاعىن العاش رەت قورعايدى، ال 40 جاستاعى گولوۆكينگە جاڭا ديۆيزيونداعى دەبيۋتى بولماق.

www.24.kz