پوليتسيەي ءولىمى: كۇدىكتى ەكى ايعا قاماۋعا الىندى

اقتاۋ. قازاقپارات - اقتاۋدا پوليتسەيدى پىشاقتاپ ءولتىردى دەگەن ايىپپەن ۇستالعان كۇدىكتى ەكى ايعا قاماۋعا الىندى.

مۇنى قازاقپارات ءتىلشىسىنىڭ ساۋالىنا جاۋاپ بەرگەن اقتاۋ قالالىق مامانداندىرىلعان سوتىنىڭ باسپا ءسوز قىزمەتى راستادى.

ايتا كەتسەك، بۇل وقيعا 2- تامىز كۇنى بولعان. اقتاۋ قالاسى يۋۆەنالدى پوليتسياسىنىڭ كامەلەتكە تولماعاندار ءىسى جونىندەگى ۋچاسكەلىك ينسپەكتورىن 27 جاستاعى كۇدىكتى پىشاقتاپ تاستاعان.

پوليتسيا دەرەگىنشە، اۋىر جاراقات العان 26 جاستاعى ءتارتىپ ساقشىسى جانساقتاۋ بولىمىندە ەسىن جيماستان كوز جۇمدى.

كەشە بۇل ىسكە قاتىسى بار دەلىنگەن كۇدىكتىنىڭ ۇستالعانىن حابارلاعان بولاتىنبىز.

ال، بۇگىن اقتاۋ قالاسىنىڭ مامانداندىرىلعان سوتى كۇدىكتىنى ەكى ايعا قاماۋعا الۋ تۋرالى تەرگەۋشى ءوتىنىشىن قارادى.

«اقتاۋ قالاسىنىڭ مامانداندىرىلعان سوتى 5- تامىزدا قىلمىستىق كودەكستىڭ 99-بابى 1-تارماعىنا («ادام ءولتىرۋ») سايكەس تەرگەلىپ جاتقان كۇدىكتى ج. - ءنى ەكى اي مەرزىمگە «كۇزەتپەن ۇستاۋ» تۇرىندەگى بۇلتارتپاۋ شاراسىن قابىلدادى»، - دەپ ءمالىم ەتتى اقتاۋ قالاسىنىڭ مامانداندىرىلعان سوتىنىڭ باسپا ءسوز قىزمەتىنەن.

ەسكە سالا كەتەيىك، قازا تاپقان پوليتسيا قىزمەتكەرى - ماڭعىستاۋ وبلىسىنىڭ تۋماسى. ۇيلەنگەن، 3 بالاسى بار. قايعىلى وقيعا كەزىندە ول ەڭبەك دەمالىسىندا بولعان.