18:25, 05 - تامىز 2022 | GMT +6
تاراز قالاسىنىڭ اكىمى ەرجان جىلقىبايەۆ قىزمەتىنەن كەتتى
تاراز. قازاقپارات - تاراز قالاسىنىڭ اكىمى ەرجان جىلقىبايەۆ قىزمەتىنەن كەتتى. بۇل تۋرالى ول ءوزىنىڭ Instagram-داعى رەسمي پاراقشاسىندا جازدى، دەپ حابارلايدى قازاقپارات ءتىلشىسى.
«قۇرمەتتى تارازدىقتار، قادىرلى جەرلەستەر! سەنىم ارتىلعان سوڭ، ەلىمىزدىڭ كەز كەلگەن وڭىرىندە مەملەكەتتىك ساياساتتى ىسكە اسىرۋ - ءاربىر مەملەكەتتىك قىزمەتشىنىڭ مىندەتى. الايدا، سول مىندەتتىڭ باستالاتىنى سياقتى، اياقتالاتىن دا كەزەڭى بولادى. ول - زاڭدىلىق. سوندىقتان، مەن ءوزىمنىڭ جامبىل جەرىندەگى قىزمەتىمدى توقتاتىپ، تاعى ءبىر ءومىر بەلەسىنە ءوتتىم»، - دەپ جازدى تاراز قالاسىنىڭ اكىمى.
سونىمەن قاتار، ەرجان جىلقىبايەۆ ارىپتەستەرىنە العىس ءبىلدىرىپ، اياقتالماي قالعان جوبالار ءۇشىن شاھار تۇرعىندارىنان كەشىرىم سۇرادى.