بارلىق وڭىردە ينتەرنەت ساپاسىنا قاتىستى شاعىم بار - ۆيتسە-ءمينيستر

نۇر-سۇلتان. قازاقپارات - ەلىمىزدىڭ بارلىق وڭىرىندە ينتەرنەت ساپاسىنا شاعىم بار.

بۇل تۋرالى ق ر سيفرلىق دامۋ، يننوۆاتسيا جانە اەروعارىش ونەركاسىبى ۆيتسە-ءمينيسترى اسحات ورازبەك ءمالىم ەتتى، دەپ حابارلايدى قازاقپارات ءتىلشىسى.

«شاعىم بارلىق دەرلىك وڭىردەن بار. بۇل رەتتەن ءبىرقاتار ءوڭىردىڭ گەوگرافيالىق بەدەرىنىڭ كۇردەلى ەكەندىگىن ءتۇسىنۋ قاجەت. ونداي وڭىرلەر - قاراعاندى، ۇلىتاۋ وبلىستارى، قوستاناي، شىعىس قازاقستان، تۇركىستان وبلىستارىنىڭ كەي جەرلەرى. جەر بەدەرى كۇردەلى بولعان كەزدە وپەراتورلارعا ينتەرنەتتىڭ قولدانىستاعى تەحنولوگيالارىن جەتكىزۋ وتە قيىن. سوندىقتان ول جەرلەرگە ينتەرنەت سپۋتنيك ارقىلى بەرىلەدى»، - دەدى اسحات ورازبەك ەلوردادا ءوتىپ جاتقان «سيفرلىق قازاقستانعا بەتبۇرىس» اتتى حالىقارالىق فورۋم اياسىندا ب ا ق وكىلدەرىنە بەرگەن سۇحباتىندا.

ونىڭ اتاپ وتىنشە، سپۋتنيكتەن بەرىلگەن ينتەرنەتتىڭ ساپاسى نازار بولادى.

«مۇنى بىردەن مويىنداۋىمىز قاجەت. بۇگىندە مۇنداي مىڭنان استام لوكاتسيا بار. جانە دە بۇل لوكاتسيالارد نەگەوستانتسيونارلى سپۋتنيكتىڭ تەحنولوگيانى پايدالانۋ ارقىلى قامتيمىز. بۇل تەحنولوگيانىڭ ترافيك ساپاسى ءبىرشاما جاقسى. جالپى، ول تۇرعىنى 200 ادامنان اسپايتىن شاعىن ەلدى مەكەندەردى ساپاسى جاقسى ينتەرنەتپەن قامتۋ ءۇشىن جەتكىلىكتى»، - دەدى ۆيتسە- مينيستر.