پەتروپاۆل قالاسىنىڭ اكىمى تاعايىندالدى

None
None
پەتروپاۆل. قازاقپارات - پەتروپاۆل قالاسىنىڭ اكىمى بولىپ رۋسلان انبايەۆ تاعايىندالدى، دەپ حابارلايدى قازاقپارات ءتىلشىسى.

بۇگىن پەتروپاۆل قالاسىنىڭ جاڭا اكىمىنىڭ كانديداتۋراسىن قالالىق ءماسليحاتتىڭ 7-شاقىرىلىمى دەپۋتاتتارىنىڭ كەزەكتەن تىس 16-سەسسياسىندا سولتۇستىك قازاقستان وبلىسىنىڭ اكىمى قۇمار اقساقالوۆ ۇسىندى.

دەپۋتاتتار رۋسلان انبايەۆتىڭ كانديداتۋراسىن ءبىر اۋىزدان قولداپ داۋىس بەردى. رۋسلان انبايەۆ ءوز كەزەگىندە ءوڭىر باسشىسىنا جانە دەپۋتاتتارعا كورسەتىلىپ وتىرعان سەنىمگە العىسىن ءبىلدىردى.

رۋسلان انبايەۆ 1978 -جىلى س ق و تيميريازيەۆ اۋدانى سەليننوە ەلدى مەكەنىندە دۇنيەگە كەلگەن. م. قوزىبايەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىن ءتامامداعان. ماماندىعى - ەكونوميست- مەنەجەر، اگرونوم جانە يۋريسپرۋدەنتسيا باكالاۆرى.

ەڭبەك جولىن 1999 -جىلى تيميريازيەۆ اۋدانىندا اۋديت ءبولىمىنىڭ اعا سالىق ينسپەكتورى بولىپ باستاعان. 2002-2015 -جىلدار ارالىعىندا ەسىل، تايىنشا، تيميريازيەۆ اۋداندارىندا سالىق قىزمەتىندە ءتۇرلى لاۋازىمداردى اتقاردى.

2015 -جىلدان 2019 -جىلعا دەيىن س ق و اكىمى اپاراتى جەتەكشىسىنىڭ ورىنباسارى بولدى. 2019-2020 -جىلدارى مامليۋت اۋدانىن باسقارسا، 2020 -جىلعى قازان ايىنان وسى كۇنگە دەيىن تايىنشا اۋدانىنىڭ اكىمى بولدى.


سوڭعى جاڭالىقتار