ا ق ش- قا تىكەلەي اۋە رەيسىن اشۋ: امەريكالىق ساراپشىلار ەلورداعا كەلدى
TSA ساراپشىلارى ەلوردالىق اۋەجايدىڭ تەكسەرۋ پۋنكتتەرىنىڭ جاعدايىن باعالادى. بۇل - TSA ساراپشىلارىنىڭ ەلىمىزگە جاساعان ەكىنشى ساپارى. العاشقى ساپار 2021 -جىلدىڭ قازان ايىندا ءوتىپ، وندا TSA ساراپشىلارى ەلدەگى اۆياتسيالىق قاۋىپسىزدىكتى قامتاماسىز ەتۋدىڭ جوعارى دەڭگەيىن اتاپ وتكەن بولاتىن جانە ازاماتتىق اۆياتسيانى زاڭسىز ارالاسۋ اكتىلەرىنەن قورعاۋ بويىنشا جۇرگىزىلىپ جاتقان شارالارعا وڭ باعا بەردى. وسى جولى ساراپشىلار نۇر- سۇلتان قالاسى اۋەجايىنىڭ جولاۋشىلاردى، قول جۇگىن، باگاجدى جانە جۇكتى تەكسەرۋ پۋنكتتەرى، سونداي- اق باقىلاۋ- وتكىزۋ پۋنكتتەرىنىڭ جۇمىسىمەن تانىستى.
ساراپشىلار ا ق ش- قا تىكەلەي رەيستەردى جۇزەگە اسىرۋ كەزىندە تەكسەرۋ پۋنكتتەرىنىڭ جاعدايى مەن جابدىقتالۋىنا ەرەكشە ءمان بەرەدى. تەحنيكالىق ساپاردىڭ ناتيجەلەرى بويىنشا ساراپشىلار تەكسەرۋ پۋنكتتەرى مەن باقىلاۋ- وتكىزۋ پۋنكتتەرىنىڭ جاعدايىنا وڭ باعا بەردى. تەكسەرۋ پۋنكتەرىندە اۆياتسيالىق قاۋىپسىزدىك قىزمەتى پەرسونالىنىڭ ۇيلەسىمدى جۇمىسى اتاپ ءوتىلدى.
بولاشاقتا ا ق ش- قا ورىندالاتىن رەيستەرگە قىزمەت كورسەتەتىن جەكەلەگەن تەكسەرۋ پۋنكتتەرى ءۇشىن، ولاردى جولاۋشىلاردى ءۇش ولشەمدى سكانەرلەۋ جابدىقتارى (دەنە سكانەرلەرى) جانە جارىلعىش زات دەتەكتورلارى سياقتى زاماناۋي تەحنيكالىق تەكسەرۋ قۇرالدارىمەن جابدىقتاۋ بويىنشا ۇسىنىستار بەرىلگەن.
ا ق ش ەلشىلىگى جانىنداعى ەكسپورتتىق باقىلاۋ جانە شەكارا قاۋىپسىزدىگى باعدارلاماسىنىڭ وكىلدەرى تەكسەرۋ ينسپەكتورلارىن TSA ستاندارتتارى بويىنشا وقىتۋ جانە جوعارىدا اتالعان باعدارلامانىڭ قاراجاتى ەسەبىنەن تەكسەرۋ جابدىقتارىن وتەۋسىز ساتىپ الۋ تۋرالى ماسەلەنى قاراستىرۋدا.
تەحنيكالىق ساپاردىڭ قورىتىندىسى بويىنشا ا ق ش- قا تىكەلەي رەيستەر اشۋ شەڭبەرىندە قازاقستاننىڭ اۆياتسيالىق اكىمشىلىگى مەن ا ق ش كولىك قاۋىپسىزدىگى اكىمشىلىگى اراسىنداعى ىنتىماقتاستىقتى جالعاستىرۋ جانە كەڭەيتۋ تۋرالى شەشىم قابىلداندى.
ەسكە سالساق، بۇعان دەيىن قازاقستان مەن ا ق ش ءوزارا تىكەلەي اۋە قاتىناسىن اشۋدى جوسپارلاپ وتىرعانى تۋرالى حابارلاندى.