ەلوردانىڭ سول جاعالاۋىنداعى بىرنەشە كوشە ۋاقىتشا جابىلادى

نۇر- سۇلتان. قازاقپارات - باس شاھاردىڭ كولىك جانە جول- كولىك ينفراقۇرىلىمىن دامىتۋ باسقارماسى ماڭگىلىك ەل داڭعىلى بويىنا اسفالت توسەۋ جۇمىستارىنىڭ باستالعانىن ءمالىم ەتتى، دەپ حابارلايدى قازاقپارات ءتىلشىسى.

وسىعان بايلانىستى 5-8 تامىز ارالىعىندا الماتى كوشەسىنەن ورىنبور كوشەسىنە دەيىنگى ۋچاسكەدە كولىك قوزعالىسى ۋاقىتشا توقتايدى. ال، 8-12 تامىز ارالىعىندا ورىنبور كوشەسىنەن بۇقار جىراۋ كوشەسىنە دەيىنگى ارالىق تولىعىمەن جابىلادى. بۇعان دەيىن 2-8 تامىز ارالىعىندا دوستىق كوشەسىنەن سارايشىق كوشەسى ماڭگىلىك ەل داڭعىلىنىڭ قيىلىسىنا دەيىنگى ۋچاسكەنىڭ جابىلاتىنىن حابارلاعان بولاتىنبىز.

«ەلوردا تۇرعىندارى مەن قوناقتارى جولداردا كەپتەلىسكە تاپ بولماۋى ءۇشىن قوزعالىس باعىتتارىن الدىن الا جوسپارلاۋى قاجەت. كەلتىرىلگەن قولايسىزدىقتار ءۇشىن كەشىرىم سۇرايمىز. جوندەۋ جۇمىستارىن جۇرگىزۋگە تۇسىنىستىكپەن قاراۋدى وتىنەمىز»، - دەلىنگەن كولىك باسقارماسىنىڭ حابارلاماسىندا. جول جوندەۋ جۇمىستارىن جۇرگىزۋ نۇر- سۇلتان قالاسىنىڭ پوليتسيا دەپارتامەنتىڭ اكىمشىلىك پوليتسيا باسقارماسىمەن كەلىسىلگەن.