قازاقستاندا كوشەدە تۇكىرۋگە تىيىم سالىنۋى مۇمكىن

نۇر-سۇلتان. قازاقپارات - دەنساۋلىق ساقتاۋ ءمينيسترى اجار عينيات كوشەدە تۇكىرۋگە تىيىم سالۋ كەرەك دەگەن ۇسىنىس تۋرالى پىكىر ءبىلدىردى، دەپ حابارلايدى قازاقپارات ءتىلشىسى.

«قالاي ويلايسىز، كوشەدە تۇكىرۋگە تىيىم سالۋ كەرەك پە؟ مىسالى ەۋروپادا ونداي پروبلەما جوق. ال بىزدە ايالدامالار مەن قوعامدىق ورىنداردا تۇكىرىكتەن اياق الىپ ءجۇرۋ قيىن»، - دەپ سۇرادى جۋرناليست.

«مەن قولدايمىن. قوعامدىق ورىنداردا تۇكىرۋگە تىيىم سالۋدى تولىعىمەن قولدايمىن... بۇل مادەنيەت، بۇل گيگينەعا جانە تاربيەگە قايشى. ءبارىمىز بىرگە دەپۋتاتتارعا وسىنداي باستاما كوتەرۋىمىز كەرەك»، - دەدى مينيستر.

سونداي-اق، ول مۇنداي باستاما زاڭعا ەنبەي تۇرىپ اۋەلى قوعام اراسىندا تالقىلانۋى كەرەكتىگىن باسا ايتتى.

«تىيىم سالۋ دەگەن ءسوز زاڭ تۇرعىسىنان الساق، سالدارى جاۋاپقا تارتۋ ماسەلەسىن قوزعاۋى مۇمكىن. سوندىقتان ابدەن ءپىسىرىپ، قوعام تالقىسىنان وتكىزۋ كەرەك دەپ ويلايمىن»، - دەدى اجار عينيات.