19:14, 04 - تامىز 2022 | GMT +6
قازاقستاندا قاي ەلدىڭ ازاماتتارى جەكە كاسىبىن اشا الادى
نۇر-سۇلتان. قازاقپارات - قازاقستان اۋماعىندا 5 شەت مەملەكەتتىڭ ازاماتتارىنا جەكە كاسىبىن اشۋعا رۇقسات ەتىلگەن.
بۇل تۋرالى مەملەكەتتىك كىرىستەر كوميتەتىنىڭ مەملەكەتتىك قىزمەت كورسەتۋ باسقارماسىنىڭ باس ساراپشىسى سانيا مۇحامەتجانوۆا ايتتى، دەپ حابارلايدى قازاقپارات ءتىلشىسى.
«ءبىزدىڭ ەلىمىزدە رەسەي، قىرعىزستان، تاجىكستان، بەلارۋس جانە ارمەنيا ەلدەرىنىڭ رەزيدەنتتەرى جەكە كاسىبىن اشا الادى. ولارعا كاسىپكەر رەتىندە تىركەلۋگە رۇقسات ەتىلگەن. دەگەنمەن وسى اتالعان 5 ەلدىڭ ازاماتتارى قازاقستاندا تۇرۋعا رۇقسات العانىن راستاۋى قاجەت. بۇل مەملەكەتتەردەن باسقا ەلدەردىڭ رەزيدەنتتەرى قازاقستاندا جەكە كاسىپكەر رەتىندە تىركەلە المايدى»، - دەپ اتاپ ءوتتى سانيا مۇحامەتجانوۆا.
ەسكە سالا كەتسەك، بۇل ۋاقىتقا دەيىن مەملەكەتتىك كىرىستەر كوميتەتى تاۋارلاردى قاداعالاۋعا باعىتتالعان پيلوتتىق جوبانىڭ قالاي ىسكە اسىپ جاتقانىن بايانداعان بولاتىن.