استانا «قىزىل» ايماققا ەنۋى مۇمكىن بە

نۇر-سۇلتان. قازاقپارات – ق ر دەنساۋلىق ساقتاۋ ۆيتسە-ءمينيسترى – ق ر باس سانيتار دارىگەرى ايجان ەسماعامبەتوۆا ەلورداداعى ەپيداحۋالدىڭ تۇراقتانا باستاعانىن ءمالىم ەتتى، دەپ حابارلايدى قازاقپارات ءتىلشىسى.

«15- شىلدەدەن بەرى كوروناۆيرۋس جونىندەگى ەپيداحۋال ماتريتساسىن قايتا قاراپ، وزەكتىلەندىردىك. سوڭعى 7 كۇندەگى ورتاشا تاۋلىكتىك ناۋقاستانۋ كورسەتكىشىنەن، 100 مىڭ تۇرعىنعا شاققانداعى اۋرۋشاڭدىق كورسەتكىشىنە كوشتىك. بۇل، ياعني، ەمحاناعا جاتقىزۋدىڭ تاۋلىكتىك دەڭگەيى دەنساۋلىق ساقتاۋ جۇيەسىنە تۇسەتىن جۇكتەمەنى ءدال سيپاتتايدى»، - دەدى ۆيتسە-مينيستر.

ونىڭ سوزىنە قاراعاندا كەيىنگى بىرنەشە كۇندە احۋال تۇراقتانىپ كەلەدى.

«ەكىنشىدەن، نۇر-سۇلتاندا «R» كورسەتكىشى كۇن سايىن ازايىپ كەلەدى. ول شاما بۇگىن بىردەن ءسال عانا ارتىق بولىپ تۇر - 1,098. شاتاسپاسام، نۇر-سۇلتانداعى قازىرگى احۋالدى ۋشىعىپ تۇر دەگەننەن تۇراقتانىپ كەلە جاتىر دەۋگە كوبىرەك كەلەدى. سوندىقتان، ءبىز نۇر-سۇلتان قالاسىندا قوسىمشا قاتاڭ شارالار ەنگىزۋ تۋرالى ايتىپ تا، بولجاپ تا وتىرعان جوقپىز. ءبىراق كوپ دۇنيە وزىمىزگە، ءبىزدىڭ ارەكەتىمىزگە، دەنساۋلىق ساقتاۋ مينيسترلىگىنىڭ ۇسىنىمدارىنا قۇلاق اسقانىمىزعا بايلانىستى. ازىرشە نۇر-سۇلتان «سارى» ايماقتا. بۇل جاعدايدا قوعامدىق كولىككە مىنگەن كەزدە جانە جابىق عيماراتقا كىرگەندە ماسكا كيۋ سياقتى شارالار عانا بار»، - دەدى ايجان ەسماعامبەتوۆ.

سونداي-اق، ق ر دەنساۋلىق ساقتاۋ ءمينيسترى اجار عينيات قازاقستاندا مايمىل شەشەگىن دياگنوستيكالاۋدىڭ ادىستەمەسى ازىرلەنىپ جاتقان ايتتى.