قاراعاندىدا عاجايىپ جادىگەر تابىلدى
قىرىم التىنبەكوۆ، عىلىمي رەستاۆراتسيالىق زەرتحانانىڭ جەتەكشىسى:
- بۇل ءبىزدىڭ ەرامىزعا دەيىنگى 4-3- عاسىر. ارحەولوگتار قورىمدىق، ياعني ءراسىم وتكىزۋگە ارنالعانىن ايتادى. ونىڭ ءبارىن زەرتتەۋ بارىسىندا انىقتايمىز. ءبىز تابىلعان دۇنيەلەردى زاقىم كەلمەيتىندەي ەتىپ ساقتايمىز. ىدىستىڭ ىشىندەگى زاتتاردى الىپ شىعۋ كوپ ەڭبەكتى تالاپ ەتەتىن جۇمىس. قولونەر شەبەرلەرىنىڭ تۋىندىلارى ەجەلگى تەمىر داۋىرىنە سايكەس كەلەدى. قىمبات تۇراتىن ەر- تۇرمان، ات ابزەلدەرى قولا اشەكەيلەرمەن بەزەندىرىلىپتى.
يگور كۋكۋشكين، ارحەولوگ:
- ەڭ قىزىق ولجا جان- جانۋارلاردىڭ بەينەسى بولىپ وتىر. جىلقىنىڭ سۋرەتتەرىنەن جۇگەندەردى دە كورۋگە بولادى. جىرتقىش اڭداردىڭ سۋرەتتەرى بار. جولبارىس تەكتەس يتتەردىڭ نىشانى كەزدەسەدى. ولاردىڭ اقسيعان تىستەرى سالت اتتىنى قورعاۋدا ماگيالىق رولگە يە بولعان. نەمەسە ونىڭ قاي تايپاعا جاتاتىنىن بىلدىرگەن.
ەلىمىزدە وسى تەكتەس بىرنەشە قازان بار ەكەن. ولار وسى جەردەن الشاق جاتقان جەتىسۋ وڭىرىنەن تابىلىپتى. بۇل جولعى جادىگەردىڭ ەرەكشەلىگى، ارنايى جاساقتالعان قورىمنان شىقتى. ول - قاراعاندىدان 120 شاقىرىمدا ورنالاسقان تالدى تاريحي- ارحەولوگيالىق مۋزەيى. وندا ءتۇرلى كەزەڭدەرگە جاتاتىن قورعانداردىڭ سانى وتە كوپ. قۇندى جادىگەر جان- جاقتى زەرتتەلەدى. بۇعان بىرنەشە اي كەرەك. ال كونە ارتەفاكتىنىڭ قاي مۋزەيگە قويىلاتىنىن رەسپۋبليكالىق كوميسسيا شەشەدى.