نۇر-سۇلتان قالاسىندا ازىق-تۇلىك باعاسى قالاي تۇراقتاندىرىلماق

نۇر-سۇلتان. قازاقپارات - نۇر-سۇلتان قالاسىنىڭ ينۆەستيتسيالار جانە كاسىپكەرلىكتى دامىتۋ باسقارماسىنىڭ باسشىسى ەرجان بالتايەۆ ازىق-تۇلىك باعاسىن تۇراقتاندىرۋ باعىتىندا اتقارالىپ جاتقان جۇمىستاردى اتادى، دەپ حابارلايدى قازاقپارات ءتىلشىسى.

«سىرتقى فاكتورلاردىڭ ىقپالىن ازايتۋ ءۇشىن ەلوردادا ازىق-تۇلىك ونىمدەرى باعاسىن تۇراقتاندىرۋ تەتىگىن جۇزەگە اسىرىپ جاتىرمىز. بۇل تۇرعىدا كاسىپكەرلىك سۋبەكتىلەرىنە قارىز بەرۋ تەتىگى ەسكەرىلگەن. وسى ۋاقىتقا دەيىن 13,1 ميلليارد تەڭگە ءبولىندى»، - دەدى ە. بالتايەۆ قالالىق ءماسليحاتتاعى تۇراقتى كوميسسيانىڭ وتىرىسىندا.

ونىڭ ايتۋىنشا، ناقتىلاۋ ءۇشىن تاعى 908 ميلليون تەڭگەگە ءوتىنىم بەرىلدى.

«جالپى، قازاقستان بويىنشا وسى سومانى 100 ميلليارد تەڭگەگە دەيىن جەتكىزۋ ەسكەرىلگەن. قازىرگى كەزدە 40 مىڭ توننادان استام ازىق-تۇلىك ونىمىنە كەلىسىمشارت جاسالدى. بۇل ءونىم قالاداعى دۇكەن سورەلەرىنەن وتكىزىلىپ جاتىر»، - دەدى باسقارما باسشىسى.

بۇدان بۇرىن حابارلانعانداي، ەلوردادا حالىقتىڭ الەۋمەتتىك وسال توپتارىنا ازىق-تۇلىك ارنايى كارتا ارقىلى وتكىزىلەدى.

«قازىرگى كەزدە «ماگنۋم» ج ش س- مەن بىرلەسە «سۋسىن» كارتاسى بويىنشا ارزانداتىلعان تاۋاردى وتكىزۋدىڭ قاناتقاقتى جوباسىن پىسىقتاپ جاتىرمىز. ياعني ولاردا وزدەرىنىڭ كارتالارى بار. وسى ورايدا حالىقتىڭ الەۋمەتتىك وسال توپتارىنىڭ ءتىزىمىن ەنگىزبەكپىز. بۇل تۇرعىدا 160 مىڭعا تارتا ادام بار»، - دەدى ە. بالتايەۆ.