ماسكەۋدە وقىعان قازاق قىزى ديپلوم الۋ راسىمىنە ۇلتتىق كيىممەن كەلدى

نۇر-سۇلتان. قازاقپارات - رەسەيدە ءبىلىم العان قازاق قىزى ديپلوم الۋ شاراسىنا وزگە تۇلەكتەردەن ەرەكشە وبرازبەن كەلدى، دەپ حابارلايدى ەكسپرەسس ك.

قولىنا ديپلوم العان جاس مامان سالتاناتتى شارانىڭ ۆيدەوسىن تىكتوك پاراقشاسىندا جاريالادى. بويجەتكەن ماسكەۋدە وتەتىن ديپلوم الۋ راسىمىنە قانداي كيىم كيىپ باراتىنى تۋرالى ۇزاق ويلانعانىن جازعان.

بەينەجازبادان ونىڭ ساحناعا ۇلتتىق كويلەك پەن باسىنا ساۋكەلە تاعىپ شىققانىن كورۋگە بولادى. جاس قىزدىڭ بۇل وبرازى زالدا وتىرعانداردى دا تاڭ قالدىرعانىن بايقاۋعا بولادى. ءبارى دۋ قول شاپالاقتايدى.