استانادا نوسەر جاڭبىردان كەيىن كوشەلەردى تاعى دا سۋ الىپ كەتتى

نۇر-سۇلتان. قازاقپارات - ەلوردادا جاڭبىردان كەيىن جينالعان قالا كوشەلەرىندەگى سۋدى سورۋعا 50 دەن استام تەحنيكا جۇمىلدىرىلعان، دەپ حابارلايدى قازاقپارات.

ۆەدومستۆو مالىمەتىنشە، نوسەر كارىزى مەن تازارتۋ قۇرىلىسىن سالۋ جانە قۋاتىن كەڭەيتۋ جۇمىسىن قالا اكىمدىگى جۇيەلى تۇردە جۇرگىزىپ جاتىر.

مىسالى، بۇرىن 146 پروبلەمالىق ۋچاسكەدە كارىز سالىنعان سوڭ سۋ باسۋ ماسەلەسى شەشىلگەن.

«سونىمەن قاتار، 130 كيلومەتردەن استام نوسەر كارىزى مەن ارىق-ناۋا جۇيەسى سالىندى، 1 مىڭعا جۋىق باقىلاۋ، جاڭبىر قابىلداعىش قۇدىعى، سونداي-اق 20 كيلومەتر كوللەكتور تازارتىلسا، 6,5 مىڭ قۇبىر بۋلاندىرىلدى. الماتى اۋدانىندا (ش. قالداياقوۆ كوشەسى)، جاڭا ۆوكزال، ۇلى دالا داڭعىلىندا جانە باسقا تۇستاردا نوسەر كارىزى سالىنىپ جاتىر»، - دەپ ءمالىم ەتتى اكىمدىكتەن.

ايتا كەتەيىك، كەشە ەلوردادا جاڭبىر جاۋىپ، داۋىل سوقتى، كەي جەرلەردە بۇرشاق تا جاۋعان.