دەمالىس كۇندەرى كۇن سۋىتىپ، جاڭبىر جاۋادى

نۇر-سۇلتان. قازاقپارات - «قازگيدرومەت» ر م ك 30- شىلدە – 1- تامىز ارالىعىنداعى اۋا رايى بولجامىن ۇسىندى، دەپ حابارلايدى قازاقپارات.

«اتموسفەرالىق فرونتالدى بولىكتەردىڭ وتۋىنە بايلانىستى قازاقستان اۋماعىندا قۇبىلمالى كۇن رايى ساقتالادى. ونىمەن نايزاعاي، بۇرشاق، جاڭبىر كۇتىلەدى. ەلدىڭ سولتۇستىگىندە، شىعىسىندا جانە وڭتۇستىگىندە كەي ۋاقىتتا قاتتى جاڭبىر جاۋىپ، ەكپىندى جەل تۇرادى. رەسپۋبليكانىڭ سولتۇستىگىندە تۇندە تەرمومەترلەر 7+12+ گرادۋسقا دەيىن تومەندەيدى، كۇندىز اۋا تەمپەراتۋراسى 15+25+ گرادۋس بولادى. باتىستا 30 +35+ گرادۋس. ەلدىڭ ورتالىعى مەن شىعىسىندا 20+28+ گرادۋس. قازاقستاننىڭ وڭتۇستىگىندە، وڭتۇستىك-شىعىسىندا 22+33+ گرادۋس ىستىق بولجانادى»، - دەلىنگەن سينوپتيكتەر مالىمەتىندە.