عالىمدار كوروناۆيرۋسپەن كۇرەسۋدىڭ جاڭا ءادىسىن ويلاپ تاپتى
دەپ حابارلايدى قازاقپارات ىندەتپەن كۇرەس جونىندەگى ۆەدومستۆوارالىق كوميسسياعا سىلتەمە جاساپ.
«تىشقانداردا جۇرگىزىلگەن تۇجىرىمدامانى تەكسەرۋ ەكسپەريمەنتتەرىندە قازىرگى ۋاقىتتا قولجەتىمدى موديفيكاتسيالانعان ليپيدتى نانوبولشەكتەر SARS-Cov-2 ينفەكسياسى ءۇشىن وكپەدە قولايسىز ورتا تۋدىراتىن CRISPR/Cas13 ارنايى ماتريتسالى ر ن ق- نى جەتكىزۋ ءۇشىن قولدانىلدى»، - دەيدى عالىمدار.
عالىمدار كاتەپسين L نەمەسە CTSL دەپ اتالاتىن اقۋىزدى ىدىراتاتىن وكپەدە كوپ كەزدەسەتىن جانە ۆيرۋستىڭ ادام جاسۋشالارىنا ەنۋىنە مۇمكىندىك بەرەتىن فەرمەنت پروتەازعا نازار اۋداردى. CRISPR/Cas13 ماتريتسالىق ر ن ق كوكتامىر ىشىنە ەنگىزگەننەن كەيىن جانۋارلاردىڭ وكپەسىندە CTSL كونسەنتراتسياسىن تومەندەتىپ، SARS-Cov-2 ۆيرۋسىنىڭ جاسۋشالارعا ەنۋىن ءتيىمدى جانە قاۋىپسىز تۇردە توقتاتتى، ناتيجەسىندە وڭدەلگەن جانۋارلاردىڭ ءومىر ءسۇرۋ دەڭگەيى جوعارى بولدى.
جۇقتىرعان جانۋارلارعا جۇرگىزىلگەن ءارى قارايعى تاجىريبەلەر CRISPR جۇكتەلگەن نانوبولشەكتەر COVID ينفەكسياسى بار جانۋارلاردىڭ وكپەسىندەگى ۆيرۋستىق جۇكتەمەنى ازايتاتىنىن جانە ولىمگە اكەلەتىن «يممۋندىق داۋىلدى» باساتىنىن كورسەتتى. سونداي- اق، بۇل نانوجۇيەنى بولاشاقتا ۆ گەپاتيتى سياقتى باسقا ۆيرۋستارمەن جۇقتىرۋعا باعىتتاۋ ءۇشىن وڭاي بەيىمدەۋگە بولادى دەپ بولجانادى. ەگەر ءسىز كوكتامىر ىشىنە ەنگىزۋدىڭ ورنىنا ينگالياتور تۇرىندە جەتكىزۋ جۇيەسىن جاساساڭىز، پرەپاراتتى الدىن- الۋ شاراسى رەتىندە اۋە ساپارىنا دەيىن نەمەسە ودان كەيىن نەمەسە ۇلكەن جينالىستان كەيىن دەربەس ەنگىزۋگە بولاتىندىعى اتاپ ءوتىلدى.
رەسەي عالىمدارى كوروناۆيرۋستان كەيىن تىنىس الۋ جانە قان اينالىم جۇيەلەرىن قالپىنا كەلتىرۋگە بولاتىن ترەناجەر- بەتپەردە ويلاپ تاپتى. سىرتقى جاعىنان، ترەناجەر - بۇل بەتتىڭ تومەنگى بولىگىنە تاعىلاتىن جانە مۇرىن مەن اۋىزدى جاباتىن پلاستيكالىق بەتپەردە. ازىرلەنگەن ترەناجەر جەڭىل جانە از ورىن الادى، ونى وزىڭىزبەن بىرگە جولعا الىپ ءجۇرۋ وڭاي. بەكىتكىش كومەگىمەن بەتپەردە بەتكە مىقتاپ جابىسادى، ال ترەناجەردى سپورتتىق جاتتىعۋلار كەزىندە قولدانۋعا بولادى، مىسالى، جۇگىرۋ نەمەسە كۇشتىك جاتتىعۋلار، جاي ءجۇرۋ نەمەسە ءۇي جۇمىستارى كەزىندە، تىنىس الۋ جۇيەسىن جاتتىقتىرادى.