سۋدى قاي ۋاقىتتا ءىشۋ كەرەك؟

نۇر-سۇلتان. قازاقپارات - سوڭعى ۋاقىتتا قوعامدا دەنساۋلىقتى قالىپتى ۇستاۋ ءۇشىن سۋدى كوپ ءىشۋ قاجەت دەگەن پىكىر قالىپتاسىپ كەلەدى.

ال، ءىس جۇزىندە كەز كەلگەن دارىگەر سىزگە كۇنىنە 2 ليتر سۋ ءىشۋ جەتكىلىكتى ەكەنىن ايتادى. ودان ارتىق ىشكەن سۋىڭىز بۇيرەككە ارتىق سالماق سالادى. سونداي- اق، بۇل جەردە ەڭ باستىسى - سۋدى قانداي كولەمدە ەمەس، قاي كەزدە ءىشۋ قاجەت ەكەنىن ەستەن شىعارماۋ.

مىنە، كارديولوگتار وسى تۇرعىدان مىناداي كەڭەستەر بەرەدى:

1. تاڭەرتەڭ ۇيقىدان ويانعان سوڭ بىردەن 2 ستاكان سۋ ءىشىڭىز - بۇل بارلىق ىشكى ورگانداردىڭ «ويانۋىنا» كومەكتەسەدى.

2. تاماق ىشەر الدىندا 1 ستاكان سۋ ىشكەن دۇرىس. بۇل زات الماسۋدى جىلدامداتادى جانە جالپى اس قورىتۋ ورگاندارىنىڭ جۇمىسىن جاقسارتادى.

3. ۆاننا قابىلدار الدىندا 1 ستاكان سۋ ءىشىڭىز. بۇل دەنەڭىزدىڭ راحاتتانۋىنا جانە ارتەريالىق قىسىمدى تومەندەتۋگە ىقپال ەتەدى.

4. ۇيىقتار الدىندا تاعى 1 ستاكان سۋ ءىشۋدى ۇمىتپاڭىز. بۇل ۇيقىڭىزدىڭ تىنىش بولۋىن قامتاماسىز ەتىپ، جۇرەككە تۇسەتىن سالماقتى جەڭىلدەتەدى. ەگەر وسىنى كۇندەلىكتى داعدىعا اينالدىرساڭىز، ۇيقى كەزىندە جۇرەك تالماسىنا شالدىعۋ قاۋپى %95 عا تومەندەيدى.

ايتپاقشى، مۇنداي داعدىنىڭ تاعى ءبىر جاقسى جاعى - تۇندە اياقتا ءسىڭىردىڭ تارتىلۋىن بولدىرمايدى.