اباي وبلىسىندا «تۇعىرى بيىك تارباعاتاي» اتتى ونەر جانە سپورت فەستيۆالى وتەدى

سەمەي. قازاقپارات - اباي وبلىسى اقسۋات اۋدانىندا ىرعىزباي دوسقانا ۇلى اتىنداعى حالىقارالىق ونەر جانە سپورت فەستيۆالى وتكىزىلمەك، دەپ حابارلايدى قازاقپارات ءتىلشىسى.

حالىق ەمشىسى ىرعىزباي دوسقانا ۇلى اتىنداعى جىل سايىنعى داستۇرگە اينالعان حالىقارالىق ونەر جانە سپورت فەستيۆالى 29- شىلدە كۇنى باستالادى. جەرگىلىكتى كاسىپكەرلەردىڭ قولداۋىمەن «تۋعان جەرگە تاعزىم» اكسياسى اياسىندا اس بەرىلىپ، قازاقستان، رەسەي، گرۋزيا، پولشا، ۋكراينا، چەحيا، دانيا، تۇركيا، يران، لاتۆيا، قىتاي، موڭعوليا، قىرعىزستان، وزبەكستان، ازەربايجان، ارمەنيا، ليتۆا، ەستونيا، تاجىكستان جانە تۇرىكمەنستان مەملەكەتتەرىنەن بالۋاندار شاقىرتىلىپ، قازاق كۇرەسىنەن حالىقارالىق گران پري وتكىزىلەدى.

سونداي- اق بالالار اراسىندا رەسپۋبليكالىق قۇران جارىسى، قاراكەرەي قابانباي باتىردىڭ 330 جىلدىق مەرەيتويىنا ارنالعان «وتان قورعاۋ جولىنداعى باتىر ەرلىكتەرى» تاقىرىبىنداعى رەسپۋبليكالىق عىلىمي- تاجىريبەلىك كونفەرەنسيا ۇيىمداستىرىلماق.

كوكپەكتى اۋدانى ەكپىن اۋىلىندا 140 شاقىرىمدىق بايگە، اقسۋات اۋدانى اقسۋات اۋىلىنىڭ ورتالىق ستاديونىندا ASSYL DOMBYRA 2022 سۋپەر فينال جانە ەسترادا جۇلدىزدارىنىڭ قاتىسۋىمەن كونسەرت وتەدى.

«تۇعىرى بيىك تارباعاتاي» اتتى ونەر جانە سپورت فەستيۆالى 31 -شىلدەدە مارەسىنە جەتپەك.

اۆتور: تالعاتجان مۇحامەتبەك ۇلى