قازاقستاننان قىرعىزستانعا دارىلىك پرەپاراتتار زاڭسىز شىعارىلماق بولعان

None
None
بىشكەك. قازاقپارات - كورەيادا وندىرىلگەن دارىلەردى قازاقستاننان قىرعىزستانعا الىپ وتپەك بولعان ەر ادام ۇستالدى.

بۇل تۋرالى قىرعىز رەسپۋبليكاسى مەملەكەتتىك ۇلتتىق قاۋىپسىزدىك كوميتەتى شەكارا قىزمەتىنەن ءمالىم ەتتى، دەپ حابارلايدى قازاقپارات كابار اگەنتتىگىنە سىلتەمە جاساپ.

قىرعىز رەسپۋبليكاسىنىڭ مەملەكەتتىك شەكاراسى ارقىلى وتكىزىلمەك بولعان زاڭسىز جۇك «اق جول- اۆتوجول» باقىلاۋ- وتكىزۋ بەكەتىندە انىقتالدى. قازاقستان جاعىنداعى وتكىزۋ بەكەتىنە 35 جاستاعى قىرعىز ازاماتى تىزگىندەگەن Mercedes-Benz جۇك اۆتوكولىگى كەلگەن. ماشينانى تەكسەرۋ بارىسىندا شەكاراشىلار كورەيادا وندىرىلگەن ءدارى- دارمەكتەردى - 11196 قاپتامانى تاپتى. جۇرگىزۋشى قازاقستاننان قىرعىزستانعا تاۋارلاردى زاڭسىز اكەتپەك بولعان.

ايتا كەتەيىك، جۇكتىڭ پرەپاراتتارعا ىلەسپە قۇجاتتارى بولماعان. الدىن الا مالىمەت بويىنشا، ۇستالعان جۇكتىڭ نارىقتىق قۇنى 5 ميلليون سومدى قۇرايدى.

فوتو: kabar.kg


سوڭعى جاڭالىقتار