ق ر ەنەرگەتيكا مينيسترلىگى مەن ساۋديالىق كومپانيا اراسىندا مەموراندۋمعا قول قويىلدى
اتالمىش شارا 24- شىلدەدە قازاقستان رەسپۋبليكاسىنىڭ پرەزيدەنتى قاسىم- جومارت توقايەۆتىڭ ساۋد ارابياسى كورولدىگىنە رەسمي ساپارى شەڭبەرىندە جاسالدى، دەپ حابارلايدى قازاقپارات ەنەرگەتيكا مينيسترلىگىنىڭ رەسمي سايتىنا سىلتەمە جاساپ.
تاراپتار ءبىرقاتار ەنەرگەتيكالىق جوبالاردى ىسكە اسىرۋ مۇمكىندىگىن زەردەلەۋ بويىنشا بىرلەسكەن جۇمىس تۋرالى ۋاعدالاستى. قول قويىلعان قۇجات ىنتىماقتاستىقتى دامىتۋعا جانە كۇن، جەل جانە گاز ەلەكتر ستانسيالارىن سالۋ جانە پايدالانۋ بويىنشا ينۆەستيتسيالىق جوبالاردى ىسكە اسىرۋ جولدارىنا باعىتتالعان. سونداي- اق مەموراندۋم شەڭبەرىندە اككۋمۋلياتورلىق باتارەيالار بازاسىندا ەلەكتر ەنەرگياسىن جيناقتاۋ جۇيەلەرىن سالۋ ارقىلى ەنەرگيا جۇيەسىنىڭ جۇمىس رەجيمدەرىن تۇراقتاندىرۋعا مۇمكىندىك بەرەتىن ينۆەستيتسيالىق جوبالار جانە گيدرواككۋمۋلياتسيالىق ەلەكتر ستانسيالارىن سالۋ، تەڭىز سۋىن تۇشىلاندىرۋ جانە جاسىل سۋتەگى ءوندىرۋ بويىنشا باسقا دا ەنەرگەتيكالىق جوبالار قارالىپ، زەردەلەنەتىن بولادى.
قول قويۋ بارىسىندا بولات اقشولاقوۆ ACWA Power كومپانياسىنىڭ قازاقستانداعى بالامالى ەنەرگەتيكا سالاسىنداعى بىرلەسكەن جوبالاردى ىسكە اسىرۋعا دەگەن ۇلكەن قىزىعۋشىلىعىن اتاپ ءوتتى. مەموراندۋم قول قويىلعان كۇنىنەن باستاپ كۇشىنە ەنەدى.