11:08, 22 - شىلدە 2022 | GMT +6
قازاقستاندا «كىشكەنتاي سامۋراي» جاپون- قازاق فيلمى ءتۇسىرىلىپ جاتىر
نۇر-سۇلتان. قازاقپارات – فيلمدە نەگىزگى رولدەردىڭ ءبىرىن سامال ەسلياموۆا سومدايدى.
جاپونيا جانە قازاقستان بىرلەسىپ ءتۇسىرىپ جاتقان «كىشكەنتاي سامۋراي» فيلمى قازىرگى تاڭدا قازاقستاندا بالقاش كولىنىڭ ماڭىندا ءتۇسىرىلىپ جاتسا، كۇزدە ءتۇسىرىلىم جاپونيادا جالعاسىن تابادى، دەپ حابارلادى kyrgyzcinema.com سايتى.
فيلمنىڭ سەناريستى جانە رەجيسسەرلەرىنىڭ ءبىرى جاپونيالىق پروديۋسەر سانو سيندزيۋ. ەكىنشى رەجيسسەر قازاقستاندىق ەرلان نۇرمۇحانبەتوۆ.
نەگىزگى رولدەردى سامال ەسلياموۆا مەن دارەجان ومىربايەۆ، سونداي-اق قىرعىزستاندىق كينورەجيسسەر ارىم كۋبات وينايدى.
فيلم كەڭەس- جاپون سوعىسى كەزىندە اكەسىن ساحالينگە ىزدەپ كەلىپ، ءبىراق ءوزى تۇتقىنعا ءتۇسىپ قازاقستانعا جەر اۋدارىلعان جاپون بالانىڭ وقيعاسى تۋرالى باياندايدى. ونى ىبىراي ەسىمدى قازاق بالىقشى اسىراپ العان.