استانا «سارى» ايماققا ءوتتى: قانداي شەكتەۋلەر ەنگىزىلەدى

None
None
نۇر- سۇلتان. قازاقپارات - بۇگىن ەپيداحۋالدى باعالاۋ ماتريتساسىندا ەلوردا «سارى ايماققا» ءوتتى. وسىعان بايلانىستى قانداي شەكتەۋلەر ەنگىزىلەدى؟

بۇل تۋرالى نۇر- سۇلتان قالالىق سانيتارلىق- ەپيدەميولوگيالىق باقىلاۋ دەپارتامەنتىنىڭ باسشىسى سارحات بەيسەنوۆا ءمالىم ەتكەن بولاتىن، دەپ حابارلايدى قازاقپارات ءتىلشىسى.

«كوروناۆيرۋس ينفەكسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ شەشىمى بويىنشا، ەل استاناسى «سارى» ايماققا وتكەن جاعدايدا قابىلداناتىن شەكتەۋلەر ۇسىنىلعان بولاتىن. بۇل - جاناسۋ مۇمكىندىگى جوعارى جۇمىس ورىندارىن قاشىقتان ىستەۋگە جىبەرۋ، ۆاكسيناتسياعا تۇبەگەيلى قارسى مەديتسينالىق كورسەتىلىمى بار ادامداردى قاشىقتان جۇمىس فورماتىنا وتكىزۋ»، - دەدى نۇر- سۇلتان قالالىق سانيتارلىق- ەپيدەميولوگيالىق باقىلاۋ دەپارتامەنتىنىڭ باسشىسى سارحات بەيسەنوۆا.

ايتۋىنشا، ەلوردادا «سارى ايماققا» وتۋگە بايلانىستى بۇكىل عيماراتتارعا بارۋ ءۇشىن ماسكا كيۋ تالابىن ساقتاۋ كەرەك.

«كينوتەاترلار مەن كينوزالدارعا، بۇقارالىق شارالاعا، كونسەرتتەرگە ماسكا كيىپ بارۋعا كەڭەس بەرىلەدى. قوعامدىق كولىكتە مىندەتتى تۇردە ماسكا كيۋ كەرەك. سونداي- اق، 10-نان ارتىق ادام قاتىساتىن جيىنداردى ونلاين رەجيمدە وتكىزۋگە كەڭەس بەرىلەدى»، - دەدى سارحات بەيسەنوۆا.

سوڭعى جاڭالىقتار