ەرتىسكە باتىپ بارا جاتقان ءۇش بالانى قۇتقارعان پاۆلودار تۇرعىنىنا پاتەر بەرىلدى

None
None
پاۆلودار. قازاقپارات - پاۆلودار وبلىسىنىڭ اكىمى ءابىلقايىر سقاقوۆ اقتوعاي اۋدانىنىڭ تۇرعىنى اندرەي كارانداشوۆقا العىس ايتىپ، ءۇش بولمەلى پاتەردىڭ كىلتىن سىيلادى، دەپ حابارلايدى قازاقپارات.

توتەنشە جاعداي 15- شىلدە كۇنى اقتوعاي اۋدانىنىڭ پريرەچەنسك اۋىلىندا بولعان.

ءبىر وتباسىنىڭ جەتى جاسار ەگىز ۇلى مەن ولاردىڭ توعىز جاسار اعاسى ەرتىسكە باتىپ كەتە جازدادى.

اۋىلداستارىنىڭ جەدەل ارەكەتىنىڭ ارقاسىندا بالالاردىڭ ۇشەۋى دە امان قالدى.

ول بالدىرعاندارعا وقيعا ورنىندا العاشقى مەديتسينالىق كومەك تە كورسەتتى.

وبلىس اكىمى اندرەي كارانداشوۆقا «وبلىس الدىندا سىڭىرگەن ەڭبەگى ءۇشىن» توسبەلگىسى مەن ءۇش بولمەلى ءۇيدىڭ كىلتىن سىيلاپ، ەرلىگى ءۇشىن العىس ايتتى.

«بۇل - ەرلىك قانا ەمەس، ءبىز ءۇشىن باعا جەتپەس جانە ءسىز قۇتقارعان بالالار ءۇشىن اسا ماڭىزدى ناعىز قاھارماندىق ارەكەت. وڭىرىمىزدە ءسىز سياقتى ازاماتتار بولعانىنا ماقتانامىن. اتا-اناڭىزعا وزىڭىزدەي ەلىمىزدىڭ ادال ازاماتىن تاربيەلەگەنى ءۇشىن كوپ راحمەت. سىزگە ءوڭىر تۇرعىندارىنىڭ اتىنان العىس ايتامىن»، - دەدى ءابىلقايىر سقاقوۆ.

اندرەي كارانداشوۆ - اقتوعاي اۋدانىنداعى پريرەچەنسك اۋىلىنىڭ تۋماسى.

وتباسىندا ەكى بالا تاربيەلەپ وتىر. قازىرگى كەزدە «اقتوعاي-اگرو» ج ش س- دە جۇمىس ىستەيدى. وسى ۋاقىتقا دەيىن ونىڭ وتباسى جالدامالى ۇيدە تۇرعان ەدى.

بۇعان دەيىن وتىز ءۇش جاسار اۋىل تۇرعىنىن پاۆلودار وبلىسىنىڭ توتەنشە جاعدايلار دەپارتامەنتىندە جانە اقتوعاي اۋدانىنىڭ اكىمدىگى ماراپاتتاعان ەدى.

سوڭعى جاڭالىقتار