ماتەماتيكادان حالىقارالىق وليمپيادادا قازاقستان وقۋشىلارىنىڭ ءبارى جۇلدەگەر اتاندى
بۇل جايىندا وقۋ- اعارتۋ ءمينيسترى اسحات ايماعامبەتوۆ Facebook پاراقشاسىندا جازدى، دەپ حابارلايدى قازاقپارات ءتىلشىسى.
«وقۋشىلارىمىز ماتەماتيكادان IMO-2022 حالىقارالىق وليمپياداسىندا ۇزدىك ناتيجە كورسەتتى. ۇلتتىق قۇرامامىز 174 ۇپاي جينادى. بۇل - ەلىمىزدىڭ وسى وليمپياداعا قاتىسۋ تاريحىنداعى رەكوردتىق كورسەتكىشى. IMO - الەمدەگى ەڭ بەدەلدى پاندىك وليمپيادالاردىڭ ءبىرى. پرەزيدەنتتىڭ تاپسىرماسى بويىنشا ءدال وسىنداي وليمپيادالاردا جۇلدە العان وقۋشىلار مەن ولاردىڭ پەداگوگ- تالىمگەرلەرىنە تولەمدەر بەلگىلەپ، وقۋشىلارعا ۇبت- نى تاپسىرماي- اق ەلىمىزدىڭ جوو- لارىنا تۇسۋگە بولاتىنداي جاعداي جاساعانىمىزدى اتاپ وتكىم كەلەدى»، - دەندى مينيستر.
ونىڭ اتاپ وتۋىنشە، وليمپياداعا قاتىسقان 6 وقۋشىنىڭ بارلىعى دا جۇلدەلى ورىندارعا يە بولدى.
ولار 3 كۇمىس، 3 قولا مەدال جەڭىپ الدى.
كۇمىس مەدال يەگەرلەرى: تاير ساتۋبالدين، فەتۋللاح سام، ميرون يۋركەۆيچ؛ قولا مەدال العاندار: ادىلەت زاۋىتحان، ادىلەت ءابۋ، يۋري تەن.
«زياتكەرلىك سايىسقا 104 ەلدەن بارلىعى 589 وقۋشى قاتىستى. ونىڭ ىشىندە قىتاي، ا ق ش، وڭتۇستىك كورەيا، جاپونيا، ۇلى بريتانيا، يتاليا، كانادا جانە تاعى باسقا ەلدەر بار. سونىمەن قاتار وقۋشىلارىمىز الەمدىك ەسەپتە 17-ورىنعا تۇراقتادى. جۇلدەگەرلەردى جەڭىسىمەن قۇتتىقتايمىن!» - دەپ اتاپ وتەدى اسحات ايماعامبەتوۆ.