بيىلعى مەكتەپ فورماسىنىڭ تالاپتارى جاريالاندى

None
None
نۇر-سۇلتان. قازاقپارات - ءبىلىم بەرۋ سالاسىنداعى مەملەكەتتىك ساياسات قاعيداتتارىن ساقتاۋ ماقساتىندا نۇر-سۇلتان قالاسىنىڭ بارلىق ءبىلىم بەرۋ ۇيىمدارىندا وقۋشىلاردىڭ ءبىرىڭعاي قارا-كوك ءتۇستى مەكتەپ فورماسىنا كوشۋى ەنگىزىلدى، دەپ حابارلايدى قازاقپارات.

ءبىلىم جانە عىلىم ءمينيسترىنىڭ بۇيرىعىنا سايكەس، ءبىرىڭعاي مەكتەپ فورماسى بەكىتىلگەننەن كەيىن قالا مەكتەپتەرىنىڭ باسشىلارى اتا-انالاردى جالپى مەكتەپتىك اتا-انالار جينالىستارىندا فورمانىڭ سايكەستىگى تۋرالى تالاپتارمەن تانىستىرادى.

ەلوردالىق ءبىلىم باسقارماسىنىڭ حابارلاۋىنشا، اتا-انالار مەكتەپ فورماسىن ءوز قالاۋى بويىنشا تاڭدايدى.

«ەڭ باستىسى، ساتىپ الىنعان فورما تومەندە جازىلعان تالاپتارعا سايكەس كەلۋى كەرەك.

1. مەكتەپ فورماسىنىڭ ءتۇسى - قويۋ كوك.

2. مەكتەپ فورماسى كلاسسيكالىق ستيلدە تىگىلگەن.

3. ۇلدارعا ارنالعان مەكتەپ فورماسى كەلەسىنى قامتيدى: پيدجاك، جيلەت، شالبار، اق سالتاناتتى جەيدە، كۇندەلىكتى اق جەيدە، (سۋىق ۋاقىتتا: تريكوتاج جيلەت، اق ۆودولازكا).

ۇلدارعا ارنالعان شالبار ەركىن كەسىلگەن جانە ۇزىندىعى بويىنشا اياقتىڭ توبىقتارىن جابادى. ۇسىنىلعان مينيمۋم: كويلەك، كوكىرەكشە جانە شالبار.

4. قىزدارعا ارنالعان مەكتەپ فورماسى كەلەسىنى قامتيدى: پيدجاك، كوكىرەكشە، يۋبكا، شالبار، كلاسسيكالىق اق بلۋزكا، سارافان (سۋىق مەزگىلدە: توقىلعان كوكىرەكشە، اق ۆودولازكا). قىزدارعا ارنالعان شالبارلار ەركىن ءپىشىلىپ، اياقتىڭ توبىقتارىن جابادى، كەڭسەلىك بەلدەمشەنىڭ ۇزىندىعى تىزەدەن 5 س م- دەن اسپايدى.

5. مەكتەپ فورماسىنا ءتۇرلى كونفەسسيالاردىڭ، ءدىني كيىم ەلەمەنتتەرىن ەنگىزۋگە جول بەرىلمەيدى.

6. مەكتەپ فورماسىنا قويىلاتىن تالاپتار بويىنشا جاراقاتتايتىن فۋرنيتۋراسى بار كيىم مەن اكسەسسۋارلاردى كيۋگە بولمايدى.

7. مەكتەپ فورماسىنا ساپاسى جاقسارتىلعان، جارتىلاي ءجۇن جانە ماقتا ماتالار پايدالانىلادى، ولاردىڭ توزۋعا توزىمدىلىگى جوعارى، باكتەرياعا، ميكروبقا قارسى جانە انتيستاتيكالىق قاسيەتتەرى بار، زاتتار قاتتى ميالانباۋى ءۇشىن %75-85 تابيعي ماتالار (ماقتا، ءجۇن، ت. ب. ) جانە %15-25 سينتەتيكالىق قوسپالار ۇسىنىلادى»، - دەپ جازدى ۆەدومستۆودان.

سونىمەن قاتار، اعىمداعى جىلدىڭ تامىز ايىندا قوردىڭ «جاپپاي وقىتۋ» جوباسى ىسكە قوسىلادى.

سوڭعى جاڭالىقتار