قازاقستان ۋنيۆەرسيتەتتەرىندە وقۋ اقىسى كوتەرىلە مە: مينيستر جاۋاپ بەردى
نۇر-سۇلتان. قازاقپارات - عىلىم جانە جوعارى ءبىلىم ءمينيسترى ساياسات نۇربەك ل. ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىندە جاڭا وقۋ جىلىندا ەلىمىزدەگى ج و و- لاردا وقۋ اقىسى كوتەرىلە مە دەگەن ساۋالعا جاۋاپ بەردى.
ساياسات نۇربەكتىڭ مالىمدەۋىنشە، جوعارى وقۋ ورىندارىنداعى وقۋ اقىسىنا بىرنەشە فاكتور اسەر ەتەدى.
«اقىلى ءبىلىم باعاسى - كوپتى تولعاندىراتىن ماسەلە. بىرنەشە جوعارى وقۋ ورنى، اتاپ ايتقاندا باتىس وڭىردەگىلەر باعانى كوتەرگەن. بىرىنشىدەن، بۇل جەكەمەنشىك ۋنيۆەرسيتەتتەر. ەكىنشىدەن، بىرنەشە جىل بۇرىن وقۋ اقىسىن كوتەرۋگە ماراتوري جاريالانعان بولاتىن. ەندى ول كۇشىن جويعان سوڭ ءبىرقاتار ۋنيۆەرسيتەت وقۋ اقىسىن كوتەرە باستادى. وسى رەتتە ءبىز قازىرگى الەۋمەتتىك- ەكونوميكالىق احۋالدى نازارعا الامىز»، - دەدى ول.
سونىمەن قاتار مينيستر مەملەكەتتىك جانە ۇلتتىق ۋنيۆەرسيتەتتەردە وقۋ اقىسى كوتەرىلمەيدى دەپ سەندىردى.
«مەملەكەتتىك جانە ۇلتتىق ۋنيۆەرسيتەتتەردەگى وقۋ اقىسى وتكەن وقۋ جىلىنىڭ دەڭگەيىندە قالادى. ءبىز بۇل ماسەلەنى باقىلاۋدا ۇستايمىز»، - دەدى عىلىم جانە جوعارى ءبىلىم ءمينيسترى.
NUR. KZ