داۋرەن ابايەۆ: پاريج وليمپياداسى كاسىبي دايىندىعىمىزدىڭ كورسەتكىشى بولادى
بۇل تۋرالى 2024-جىلى پاريجدە وتەتىن وليمپياداعا دايىندىق ماسەلەلەرى جونىندە كەڭەس وتكىزگەن ق ر مادەنيەت جانە سپورت ءمينيسترى داۋرەن ابايەۆ ايتتى، دەپ حابارلايدى قازاقپارات ءتىلشىسى.
«وزدەرىڭىزگە بەلگىلى، ەكى جىلدان كەيىن - پاريج وليمپياداسى. ءتورتجىلدىقتىڭ باستى دوداسىنا وسى جيىننان باستاپ قىزۋ دايىندىققا كىرىسۋىمىز قاجەت. ءبىز بۇعان دەيىن كادرلىق، بيۋروكراتيالىق بارلىق ماسەلەنى شەشتىك دەپ ويلايمىن. ءبىراق، ءبىزدى ودان دا ۇلكەن، جاۋاپتى جۇمىستار كۇتىپ تۇر. پاريج وليمپياداسى كاسىبي دايىندىعىمىزدىڭ كورسەتكىشى بولماق»، - دەدى مينيستر.
ونىڭ اتاپ وتۋىنشە، ءار جاقسى ناتيجە ءۇشىن فەدەراتسيا باسشىلارى، جاتتىقتىرۋشىلار، باپكەرلەر، ءتيىستى سالا ماماندارى جەكە-جەكە جاۋاپتى بولادى.
«توكيو مەن بەيجىڭ ويىندارى سپورتشىلارىمىزدىڭ دايىندىعىنا قاتىستى ماسەلەنىڭ كۇردەلەنىپ كەتكەنىن كورسەتتى. ولاردىڭ كەيبىرى، ءتىپتى ليللەحاممەردەگى، اتلانتاداعى ويىنداردان بەرى كەلە جاتقانىن بايقاۋعا بولادى. فرانسيادا سول ولقىلىقتاردىڭ بارلىعىن تۇزەۋىمىز قاجەت»، - دەدى داۋرەن ابايەۆ.