سوزاقتا مال ۇرىسى سيىردى اۋدي كولىگىنە سىيعىزىپ جىبەرگەن

تۇركىستان. قازاقپارات - پوليتسەيلەر رەيد كەزىندە بارىمتاشىنى مال ۇرلاپ بارا جاتقان جەرىنەن قولعا ءتۇسىردى، دەپ حابارلايدى قازاقپارات ءتىلشىسى.

وقيعا تۇركىستان وبلىسىنىڭ سوزاق اۋدانىندا بولعان. تۇنگى رەيدكە شىققان پوليتسەيلەر ساعات 03:00 شاماسىندا كۇدىك تۋدىرعان «اۋدي 100» ماركالى اۆتوكولىكتى تەكسەرۋ ءۇشىن توقتاتادى. الايدا كولىك جۇرگىزۋشىسى زاڭ تالاپتارىنا باعىنباعان.

«پوليتسەيلەر شارا قولدانىپ، كولىكتى توقتاتتى. تەكسەرۋ بارىسىندا كولىكتىڭ ارتقى ورىندىعىنان ءىرى قارا مال تابىلدى. كۇدىكتى جەرگىلىكتى تۇرعىننىڭ مالىن ۇرلاپ، ۇيىنە اپارماقشى بولعان. سيىر ايعاقتى زات رەتىندە تاركىلەنىپ، ءوز يەسىنە قايتارىلدى. قازىرگى تاڭدا سوتقا دەيىنگى تەرگەۋ امالدارى جۇرگىزىلىپ جاتىر»، - دەلىنگەن تۇركىستان وبلىسى پوليتسيا دەپارتامەنتىنىڭ باسپا ءسوز قىزمەتى تاراتقان حابارلامادا.