ءالىمحان ۇلى الەم چەمپيونىمەن جەكپە-جەككە شىعا المايدى

نۇر-سۇلتان. قازاقپارات - قازاقستاندىق جانىەك ءالىمحان ۇلى (12-0، 8 ك و) ورتا سالماقتا WBC چەمپيونى دجەرمالل چارلومەن (32-0، 22 ك و) جەكپە-جەككە شىعا المايدى، دەپ حابارلايدى Vesti.kz.

جانىبەك WBO ۇيىمىنىڭ «ۋاقىتشا» چەمپيونى اتاعىن جەڭىپ العاننان كەيىن، ءالىمحان ۇلى - چارلو ايقاسى جانكۇيەرلەردىڭ تاماشالاعىسى كەلەتىن جەكپە-جەكتەر تىزىمىنە كىرگەن ەدى.

الايدا سپورت جۋرناليسى كۆينتون د. ليللي قازاقستاندىقتىڭ نەگە چارلومەن جۇدىرىقتاسا المايتىنىن ءتۇسىندىردى.

«دجەرمالل مەن جانىبەكتىڭ جەكپە-جەگى ەشقاشان وتپەيدى. بوب ارۋم مەن ەل حەيمون ولاردى ءبىر-بىرىنە قارسى قويمايدى»، - دەيدى اۆتور.

قازاقستاندىق بوكسشىنىڭ وزگە قارسىلاسى بولۋى مۇمكىن چەمپيون - WBO تيۋلىنا يە دەمەتريۋس اندرادە (31-0، 19 ك و) ەكەنى ايتىلۋدا.