اۋەسقوي اڭشىلارعا كيىك اتۋعا رۇقسات بەرىلمەيدى – مينيسترلىك
«بۇگىندە زوولوگيا ينستيتۋتىنىڭ ۇسىنىسىن ەسكەرە وتىرىپ، كيىك اۋلاۋ تەتىكتەرىن انىقتاۋ جونىندەگى جۇمىس توبى قۇرىلىپ جاتىر. حالىقتى كيىك سانىن رەتتەۋگە نەمەسە سىزدەر ايتقانداي اتۋعا جىبەرۋ كوزدەلىپ وتىرعان جوق. بۇل براكونەرلىكتىڭ، باقىلاۋسىز اڭشىلىقتىڭ ارتىپ كەتۋ تاۋەكەلىن بولدىرماۋ ءۇشىن جاسالادى»، - دەدى ول ەلوردادا وتكەن «كيىك پوپۋلياتسياسى سانىن رەتتەۋ» تاقىرىبىنداعى دوڭگەلەك ۇستەل بارىسىندا ب ا ق وكىلدەرىنىڭ ساۋالىنا وراي.
سونىمەن قاتار كوميتەت ءتوراعاسى زوولوگيا ينستيتۋتىنىڭ ۇسىنىسىنا سايكەس، كيىك اۋلاۋعا موراتوريي مەرزىمىن ۇزارتۋ ۇسىنىلىپ وتىرعاندىعىن ايتتى. ال دوڭگەلەك ۇستەل وتىرىسى بارىسىندا زوولوگيا ينستيتۋتىنىڭ زەرتحانا مەڭگەرۋشىسى الەكسەي گراچيەۆ كيىكتەردى اۋلاۋعا قولدانىستاعى تىيىمدى 2025 -جىلعا دەيىن ۇزارتۋدى ۇسىندى.
دەگەنمەن، ول بيىل سىناق رەتىندە كيىكتەر سانىن رەتتەۋدى وكىلەتتى ورگاننىڭ مامانداندىرىلعان ۇيىمىنا جۇكتەۋ قاجەت ەكەندىگىن العا ارتتى.