قازاقستاننان بيداي مەن بيداي ۇنىن سىرتقا اكەتۋگە شەكتەۋلەر ەنگىزىلۋدە
7 شىلدە 19:46

قازاقستاننان بيداي مەن بيداي ۇنىن سىرتقا اكەتۋگە شەكتەۋلەر ەنگىزىلۋدە

نۇر- سۇلتان. قازاقپارات - 2022 -جىلعى 30- قىركۇيەككە دەيىن قازاقستان اۋماعىنان بيداي مەن مەسليندى، بيداي جانە قارا بيداي ۇنىن اكەتۋگە كۆوتالار ەنگىزىلۋدە.

بۇل تۋرالى مەملەكەتتىك كىرىستەر كوميتەتى مالىمدەدى، دەپ حابارلايدى قازاقپارات.

«قازاقستان اۋماعىنان جەكەلەگەن تاۋارلاردى اكەتۋدىڭ كەيبىر ماسەلەلەرى تۋرالى» اۋىل شارۋاشىلىعى ءمينيسترىنىڭ م. ا. 2022 -جىلعى 5-شىلدەدەگى بۇيرىعىمەن ەل اۋماعىنان ءۇشىنشى ەلدەرگە جانە ەۋرازيالىق ەكونوميكالىق وداق ەلدەرىنە 550000 توننا كولەمىندە بيداي مەن مەسليندى (س ە ق ت ن كودى - 1001) جانە 370000 توننا كولەمىندە بيداي جانە قارا بيداي ۇنىن (س ە ق ت ن كودى - 110100) اكەتۋگە ساندىق شەكتەۋلەر (كۆوتالار) ەنگىزىلەدى. شەكتەۋلەر 2022 -جىلعى 8-شىلدەدەن باستاپ 30-قىركۇيەككە دەيىن كۇشىندە بولماق»، - دەپ جازدى ۆەدومستۆو.

بيداي مەن مەسليندى، بيداي جانە قارا بيداي ۇنىن اكەتۋگە ساندىق شەكتەۋلەر ەل ىشىندە ازىق- تۇلىك قاۋىپسىزدىگىن قامتاماسىز ەتۋ ماقساتىندا قولعا الىندى. بۇل رەتتە بۇيرىق قولدانىسقا ەنگىزىلگەن كۇنگە دەيىن ق ر جانە ەاەو كەدەندىك زاڭناماسىنا سايكەس ەكسپورتتىڭ كەدەندىك ءراسىمى بويىنشا ورنالاستىرىلعان جانە شىعارىلعان تاۋارلار قازاقستان رەسپۋبليكاسىنىڭ اۋماعىنان كەدەرگىسىز اكەتۋگە جاتادى.

جاڭالىقتار