الماتىلىقتاردى الداعان قوس الاياق ۇستالدى
بارلىعىنىڭ وقيعاسى بىردەي. پاتەردى ساتىپ الۋ كەزىندە «ساتۋشى» اقشانى الىپ، ءىز- ءتۇسسىز كەتكەن. 55 جاستاعى ك. ەسىمدى ازامات پەن 40 جاستاعى ايەل يپوتەكادا تۇرعان پاتەرلەرى بار ەكەندىگىن جانە قالىپتاسقان جاعدايعا بايلانىستى تەز ارادا ارزانداتىلعان باعامەن ساتىلىپ جاتقانى تۋرالى اقپارات تاراتقان. الاياقتار پاتەردى «ساتقاننان» كەيىن اقشاسىن الىپ، بايلانىسسىز كەتكەن. - كريمينالدىق پوليتسيا قىزمەتكەرلەرى بۇل قىلمىستى جاسادى دەگەن كۇدىكتىلەردى انىقتاپ، ۇستادى. قازىرگى ۋاقىتتا پوليتسيا باسقارماسىنا 7 جابىرلەنۋشىنىڭ ارىزى تۇسكەن. اسا ءىرى كولەمدەگى الاياقتىق دەرەگى بويىنشا ق ر ق ك- ءنىڭ 190-بابى 3-بولىگىنىڭ 1-تارماعىنا سايكەس قىلمىستىق ءىس قوزعالدى، - دەيدى مەدەۋ اۋداندىق پوليتسيا باسقارماسىنىڭ باستىعى داۋرەن وتەبايەۆ.
قازىرگى ۋاقىتتا قوسىمشا تەرگەۋ امالدارى جۇرگىزىلۋدە. ال ۇستالعان ادامدار بۇرىن جاسالعان وسىنداي قىلمىستارعا قاتىسى بار- جوعىنا تەكسەرىلىپ جاتىر.
www.24.kz