قابىلدانعان شەشىمدەردىڭ ەشقانداي ساياسي استارى جوق - رۋسلان جەلدىباي

نۇر- سۇلتان. قازاقپارات - پرەزيدەنتتىڭ باسپا ءسوز حاتشىسى رۋسلان جەلدىباي بۇگىن مەملەكەت باسشىسى ەلىمىزدىڭ كولىك- ترانزيتتىك الەۋەتىن دامىتۋ جونىندە كەڭەس وتكىزگەنىن جازدى، دەپ حابارلايدى قازاقپارات.

ول وسىعان بايلانىستى جۋرناليستەر تاراپىنان سۇراقتار ءتۇسىپ جاتقانىن اتاپ وتكەن.

«بۇل جەردە، ەڭ الدىمەن، گەوساياسي تۇراقسىزدىق جاعدايىندا قازاقستان كومىرسۋتەگىن حالىقارالىق نارىقتارعا جەتكىزۋ باعىتتارىن ءارتاراپتاندىرۋ تۋرالى ءسوز بولىپ وتىر. جيىندا جاڭا كولىك دالىزدەرىن اشۋ ماسەلەسى تالقىلاندى. بۇل - ءبىر كۇندىك جۇمىس ەمەس، ۇزاق مەرزىمدى جوسپار. شىن مانىندە، قابىلدانعان شەشىمدەردىڭ ەشقانداي ساياسي استارى جوق»، - دەدى رۋسلان جەلدىباي جازباسىندا.

ونىڭ مالىمەتىنشە، رەسەي ءبىزدىڭ ستراتەگيالىق سەرىكتەسىمىز ءارى وداقتاسىمىز بولىپ قالا بەرەدى. ونىڭ مۇددەسىنە نۇقسان كەلتىرەتىن قانداي دا ءبىر ءىس- ارەكەتتەرگە جول بەرىلمەيدى. قازاقستان تاراپىنا قاتىستى دا وسىنداي ارەكەتتەر جاسالمايدى دەپ ۇمىتتەنەمىز.