نيكول پاشينيان تۇركيامەن شەكاراسىن اشۋ ماسەلەسىن قاراستىرىپ جاتىر

None
None
ەرەۆان. قازاقپارات - ارمەنيا پرەمەر- ءمينيسترى نيكول پاشينيان ۆەدومستۆولارعا ارميان- تۇرىك شەكاراسىن اشۋ جونىندەگى ۋاعدالاستىقتى ىسكە اسىرۋ ءۇشىن ءتيىستى تۇرىك قۇرىلىمدارىمەن جۇمىستى ۇيلەستىرۋدى تاپسىردى.

بۇل تۋرالى ول بۇگىنگى ۇكىمەت وتىرىسىندا ءمالىم ەتتى، دەپ حابارلايدى قازاقپارات مەنشىكتى ءتىلشىسى.

ارمەنيا مەن تۇركيانىڭ ارنايى وكىلدەرى وسى جىلدىڭ 1-شىلدەسىندە ۆەنادا ءۇشىنشى ەلدەردىڭ ازاماتتارى ءۇشىن شەكارانى اشۋ جانە ەلدەر اراسىندا جۇكتەردىڭ تىكەلەي اۆياتاسىمالىن جۇزەگە اسىرۋ تۋرالى ۋاعدالاستىققا قول جەتكىزگەن بولاتىن.

«ءبىزدىڭ ۆەدومستۆولاردىڭ ءتيىستى تۇرىك قۇرىلىمدارىمەن ۇيلەسىمدى جۇمىس ىستەۋى ماڭىزدى. سەبەبى، ساياسي كەلىسىمدەر ءوز الدىنا، ولاردىڭ ورىندالۋى وسى جۇمىسقا بايلانىستى. مەنىڭ تاپسىرمام - قول جەتكىزىلگەن ۋاعدالاستىقتى ىسكە اسىرۋ ءۇشىن جۇمىستى ۇيلەستىرۋ»، - دەپ اتاپ ءوتتى نيكول پاشينيان ۇكىمەت وتىرىسىندا.

ارمەنيا مەن تۇركيا ورتاق شەكارا بولعانىنا قاراماستان، ديپلوماتيالىق قارىم- قاتىناس ورناتپاعان. ەكى ەل اراسىنداعى شەكارا 1993 -جىلدان بەرى جابىق. قازىرگى ۋاقىتتا قوس تاراپ اراسىنداعى جۇك تاسىمالى گرۋزيا اۋماعى ارقىلى وتەدى.

2021 -جىلى ارمەنيا مەن تۇركيا اراداعى قاتىناستاردى قالىپقا كەلتىرۋ جونىندەگى كەلىسسوزدەر ءۇشىن ارنايى وكىلدەر تاعايىندادى. كەلىسسوزدەردە ارميان تاراپىن پارلامەنت ۆيتسە- سپيكەرى رۋبەن رۋبەنيان، تۇركيا تاراپىنان ەلدىڭ ا ق ش- تاعى بۇرىنعى ەلشىسى سەردار كىلىچ بەلگىلەنگەن. بۇگىنگى تاڭدا ارنايى وكىلدەر كەلىسسوزدەردىڭ ءتورت راۋندىن وتكىزدى. كەزدەسۋلەر ماسكەۋ مەن ۆەنادا ءوتتى.


سوڭعى جاڭالىقتار