قۇربان ايت مەرەكەسىندە ۆەتەرينارلىق انىقتاماسى بار مالدى عانا سويۋ كەرەك
7 شىلدە 17:20

قۇربان ايت مەرەكەسىندە ۆەتەرينارلىق انىقتاماسى بار مالدى عانا سويۋ كەرەك

نۇر- سۇلتان. قازاقپارات - قۇربان ايت مەرەكەسى 9-11-شىلدە ارالىعىندا وتەدى. ەلدەگى سانيتاريالىق- ەپيدەميولوگيالىق جاعدايعا بايلانىستى، سونداي- اق تۇرعىندار اراسىندا covid-19 جانە ءجىتى ىشەك ينفەكتسيالارىنىڭ تارالۋىنا جول بەرمەۋ ماقساتىندا سانيتاريالىق- ەپيدەميولوگيالىق باقىلاۋ كوميتەتى ءبىرقاتار ساقتىق شارالارىن ۇسىنادى، دەپ حابارلايدى قازاقپارات.

كوميتەتتىڭ رەسمي وكىلى ەرجان بايتانايەۆتىڭ مالىمەتىنشە، مال سويۋدى ۆەتەريناريالىق انىقتاما بولعان جاعدايدا عانا جۇرگىزۋ كەرەك. Qurban2022.kz سايتىنا ءوتىنىم بەرە وتىرىپ، ونلاين رەجيمدە قۇرباندىق شالۋدى ۇيىمداستىرۋ مۇمكىندىگىن دە پايدالانعان ابزال.

«جابىق ءۇي- جايلاردا، ادامدار كوپ شوعىرلاناتىن ورىنداردا بۇقارالىق ءىس- شارالاردى وتكىزۋ كەزىندە قاشىقتىقتى ساقتاۋ جانە بەتپەردە كيۋ، قولدى ءجيى انتيسەپتيكپەن وڭدەۋگە كەڭەس بەرەمىن. ق وعامدىق تاماقتانۋ وبەكتىلەرىندە (تويحانا، مەيرامحانالار، ءدامحانالار، اسحانالار، مەشىتتەر جانە ت. ب. ) جانە سالتتىق ءىس- شارالاردى وتكىزۋ بويىنشا قىزمەت كورسەتەتىن نىسانداردا ءارتۇرلى ءىس- شارالاردى وتكىزۋ كەزىندە ۇيدە دايىندالعان تاعامداردى پايدالانباعان ءجون. ت ەز بۇزىلاتىن ونىمدەردى سالقىن ورىنجايلاردا ساقتاپ، ازىق- تۇلىك ونىمدەرىن، اسىرەسە ءسۇت، سالاتتار ساتىپ العاندا، جارامدىلىق مەرزىمىنە، شىعارىلعان كۇنىنە نازار اۋدارىڭىز، دايىندالعان تاعامدى بولمە تەمپەراتۋراسىندا 2 ساعاتتان ارتىق قالدىرماڭىز»، - دەپ جازدى بايتانايەۆ.

رەسمي وكىل، كەزدەيسوق ادامداردان نەمەسە رۇقسات ەتىلمەگەن ساۋدا ورىندارىنان تاماق ونىمدەرىن ساتىپ الماۋعا شاقىردى. جاڭا دايىندالعان تاعامدى الدىڭعى كۇننىڭ قالدىقتارىمەن ارالاستىرماۋ، دايىن تاعام كەلەسى كۇنگە قالسا، ونى قولدانار الدىندا تەرميالىق وڭدەۋدەن وتكىزۋ (قايناتۋ نەمەسە قۋىرۋ) اسا ماڭىزدى.

تۇرعىن ءۇيدى ۇنەمى تازا ۇستاۋ جانە جەكە گيگيەنا ەرەجەلەرىن ساقتاۋ، كىشكەنتاي بالالارعا قايناتىلماعان ءسۇت، شيكى جۇمىرتقا بەرمەۋ، تاماق دايىنداۋ ءۇشىن تەك جاڭا (بالعىن) ونىمدەردى پايدالانۋ دا نازاردا بولعانى دۇرىس.

جاڭالىقتار