الماتىدا ەلەكتروساموكات پەن موپەدتەردىڭ ءجۇرۋ ەرەجەسىن بەلگىلەيتىن قۇجات دايىندالۋدا

None
None
الماتى. قازاقپارات - الماتى اكىمى ەربولات دوسايەۆ قالاداعى ەلەكتروساموكات، موپەدتەردەن تۋىندايتىن ماسەلەلەردى شەشۋ جۇمىستارىنىڭ بارىسىن ايتتى دەپ حابارلايدى قازاقپارات ءتىلشىسى.

الماتى اكىمىنىڭ ايتۋىنشا، اتالمىش ماسەلەگە قاتىستى ىشكى ىستەر مينيسترلىگى زاڭنامالىق وزگەرىستەر دايىنداۋدا. ودان بولەك، جاڭا تەحنيكالىق ستاندارت شىقپاق. قالا اكىمى ەگەر ول ستاندارت قابىلدانسا، الماتىدا ءماسليحاتتا جاڭا وزگەرىستەر مەن قوسىمشا جاڭا اكتتەردى قابىلداۋعا دايىن ەكەنىن جەتكىزدى.

«ودان بولەك، ءبىز قوسىمىشا جۇمىستار ىستەپ جاتىرمىز. الماتىدا بۇگىندە ەلەكتروساموكاتتاردى جالعا بەرەتىن 4 وپەراتور بار. سولارمەن جۇمىس جۇرگىزۋدەمىز. اتاپ ايتقاندا، جىلدامدىققا ليميت قويۋ، تۇراقتار، موپەد پەن ەلەكتروساموكاتتاردىڭ جۇرۋگە جانە قويۋعا تىيىم سالىناتىن گەولوكاتسيا جانە ت. ب. نورمالار دايىنداپ جاتىرمىز. وسى شىلدە ايىنىڭ سوڭىنا دەيىن وعان قول قويامىز»، - دەدى ەربولات دوسايەۆ.

ەسكە سالايىق، الماتى اكىمى بۇعان دەيىن ءوزىن ساموكات قاعىپ كەتە جازداعانىن ايتقان بولاتىن.

سوڭعى جاڭالىقتار