ايت كۇندەرى الماتى مەشىتتەرىندە بالالارعا تاتتىلەر مەن سىيلىقتار ۇلەستىرىلەدى
7 شىلدە 15:46

ايت كۇندەرى الماتى مەشىتتەرىندە بالالارعا تاتتىلەر مەن سىيلىقتار ۇلەستىرىلەدى

الماتى. قازاقپارات- قۇربان ايت كۇندەرى بارلىق مەشىتتە بالالار جىلىنا وراي مەرەكەلىك ءىس- شارالار ۇيىمداستىرىلادى.

بۇل تۋرالى الماتى قالاسىنىڭ باس يمامى وسپان تولەبي ءمالىم ەتتى، دەپ حابارلايدى قازاقپارات ءتىلشىسى.

«بالالارعا جاقسى كوڭىل- كۇي سىيلاۋ ماقساتىندا ايت كۇندەرى قالاداعى بارلىق مەشىتتە تاتتىلەر مەن سىيلىقتار ۇلەستىرىلەدى. ودان بولەك، مەشىت اۋلاسىنا شاتىرلار قۇرىلىپ، كيىز ۇيلەر تىگىلىپ، اقساقالدار مەن ۇلكەن كىسىلەرگە ايتتىق داستارحان جايىلادى»، - دەدى وسپان تولەبي.

سونداي- اق بۇل كۇندەرى قالا اكىمىنىڭ قولداۋىمەن الماتىنىڭ ورتالىق مەشىتى مەن وزگە مەشىتتەردە ۇلتتىق ويىنداردان سپارتاكيادا وتەدى.

شاراعا قاتىسۋشىلاردى ارقان تارتۋ، اسىق اتۋ، ارمرەستلينگ، گىر تاسىن جانە قوشقار كوتەرۋ سەكىلدى سىناقتار كۇتىپ تۇر.

جاڭالىقتار