ۇلىتاۋلىق اقساقال قىمىز مەيرامىن جانداندىرۋدى ۇسىندى
7 شىلدە 15:29

ۇلىتاۋلىق اقساقال قىمىز مەيرامىن جانداندىرۋدى ۇسىندى

نۇر- سۇلتان. قازاقپارات - 72 جاستاعى قارت سارسەنباي قوتىراشوۆ ەلىمىزدە قىمىز مەيرامىنىڭ قايتا جاندانۋىن ۇسىندى، دەپ حابارلايدى قازاقپارات ءتىلشىسى.

«دۇنيەجۇزىندە جىلقىنى ءبىرىنشى بولىپ قولعا ۇيرەتكەن - قازاق حالقى. بيە ساۋىپ، قىمىز اشىتىپ، قىمىز ءىشۋدى باستاعان دا قازاق. وسىدان 5 مىڭ جىل بۇرىن قىمىز مەيرامى پايدا بولعان. ەلىمىزدە قىمىز مەيرامى قازان توڭكەرىسىنە دەيىن تويلانىپ كەلدى. كەيىن تىيىم سالىندى. كەزىندە ناۋرىز مەيرامى سەكىلدى ۇمىتىلىپ كەتتى. ەشكىم بىلە قويمايدى، بىلەتىندەر بىرەن- ساران عانا. وسى ورايدا قىمىز مەيرامىن قايتا جانداندىراتىن ۋاقىت كەلدى»، - دەيدى سارسەنباي قوتىراشوۆ.

اقساقال ەلىمىزدە قىمىزمۇرىندىق مەيرامىنىڭ رەسمي بەلگىلەنگەنىن دۇرىس سانايدى.

«سارسەنباي اتامىز سپورتپەن شۇعىلدانىپ، جاياۋ جۇرۋگە ارنايى دايىندالماعان. ءبىراق ەلدى جاياۋ ارالاۋدى بۇرىننان جوسپارلاپ كەلگەن. جاي عانا ارالاپ قويمايدى، اتامىزدىڭ ءوز ماقساتى بار. ەلىمىزدەگى قولونەر شەبەرلەرىنىڭ باسىن قوسىپ، ءتىزىمىن جاساعىسى كەلەدى. بۇل كىسى ءوزى زەرگەر. ءقازىر قولىندا 418 قولونەر شەبەرىنىڭ ءتىزىمى بار. ەگەر ءتىزىم 1 مىڭعا جەتسە يۋنەسكو قولونەر شەبەرلەرىنە ارنالعان ارنايى سايت اشىپ بەرەدى. سول ارقىلى وتاندىق زەرگەرلەر ءوز ونىمدەرىن شەتەلگە ۇسىنىپ، ساتا الادى»، - دەدى 72 جاستاعى قارتتىڭ كومەكشىسى باقتيار قوجاحمەتوۆ.

بۇعان دەيىن ۇلىتاۋلىق قارت سارسەنباي قوتىراشوۆتىڭ قازاقستاندى جاياۋ ارالاپ جۇرگەنىن حابارلاعان بولاتىنبىز. اقساقال 4 مىڭ شاقىرىمدى جاياۋ باعىندىرىپ بۇگىن ەلورداعا جەتتى.


اۆتور: ءالي يبرايەۆ

جاڭالىقتار