گولوۆكين - كانەلو ءۇشىنشى جەكپە- جەگىنىڭ باستالاتىن ۋاقىتى بەلگىلى بولدى
7 شىلدە 11:29

گولوۆكين - كانەلو ءۇشىنشى جەكپە- جەگىنىڭ باستالاتىن ۋاقىتى بەلگىلى بولدى

نۇر- سۇلتان. قازاقپارات - ساۋل الۆارەس پەن گەننادي گولوۆكين اراسىنداعى جەكپە- جەك 18- قىركۇيەكتە نۇر- سۇلتان ۋاقىتىمەن تاڭعى ساعات 9:00-دە باستالادى، دەپ حابارلايدى قازاقپارات Sports.kz سايتىنا سىلتەمە جاساپ.

تىكەلەي ترانسلياتسيا DAZN اقىلى ستريمينگ سەرۆيسى ارقىلى كورسەتىلەدى. جەكپە- جەكتىڭ قازاقستان اۋماعىندا كورسەتىلۋى تۋرالى ازىرگە اقپارات جوق. گولوۆكيننىڭ بارلىق سوڭعى جەكپە- جەكتەرى Qazaqstan جانە Qazsport تەلەارنالارىندا كورسەتىلدى. وسى ءداستۇر جالعاسىن تابۋى ابدەن مۇمكىن.

بۇل - قازاقستاندىق پەن مەكسيكالىق اراسىنداعى ءۇشىنشى جەكپە- جەك بولماق. بىرىنشىسىندە تەڭ اياقتالسا، ەكىنشىسىندە تورەشىلەر جەڭىستى «كانەلوعا» بەرگەن بولاتىن.

اۆتور: سماعۇلوۆا ەركەجان

جاڭالىقتار