انتيكور لاريسا پاكقا رۇقسات ەتىلمەگەن تەرگەۋ ادىستەرىن قولدانۋ فاكتىسى بويىنشا ءىس قوزعادى

نۇر- سۇلتان. قازاقپارات - سىبايلاس جەمقورلىققا قارسى قىزمەت دەنساۋلىق ساقتاۋ مينيسترلىگى فارماتسيا كوميتەتى بۇرىنعى ءتوراعاسىنىڭ مىندەتىن اتقارۋشى لاريسا پاكقا قاتىستى قىلمىستىق ءىستى تەرگەۋگە قاتىسقان سىبايلاس جەمقورلىققا قارسى ءىس- قيمىل ۇلتتىق بيۋروسىنىڭ بۇرىنعى قىزمەتكەرلەرىنىڭ رۇقسات ەتىلمەگەن تەرگەۋ ادىستەرىن قولدانۋ فاكتىسى بويىنشا سوتقا دەيىنگى تەرگەۋدى باستادى، دەپ حابارلايدى قازاقپارات.

ۆەدومستۆونىڭ مالىمەتىنشە، 2017 -جىلدان باستاپ 2018 -جىلعا دەيىنگى كەزەڭدە تەرگەۋ- جەدەل توبى قىلمىستىق ءىستى تەرگەگەن، ول كەيىننەن قىلمىس قۇرامىنىڭ بولماۋىنا بايلانىستى توقتاتىلعان.

«2019 -جىلدىڭ 6- شىلدەسىندە ءىس بويىنشا كۇدىكتى ل. پاك قايتىس بولدى. 2020 -جىلدىڭ 7- جەلتوقسانىندا سىبايلاس جەمقورلىققا قارسى ءىس- قيمىل اگەنتتىگى لاريسا پاكتىڭ ارەكەتتەرىندە قىلمىس قۇرامىنىڭ بولماۋىنا بايلانىستى تولىق اقتالعانىن حابارلادى. وسى مۇمكىندىكتى پايدالانا وتىرىپ، سىبايلاس جەمقورلىققا قارسى ءىس- قيمىل اگەنتتىگى تاراتىلعان سىبايلاس جەمقورلىققا قارسى ءىس- قيمىل ۇلتتىق بيۋروسىنىڭ قۇقىقتىق مۇراگەرى رەتىندە لاريسا يۋن- بوييەۆنا پاكتىڭ تۋىستارىنا قايعىرىپ كوڭىل ايتادى جانە كەلتىرىلگەن زيان ءۇشىن رەسمي كەشىرىم سۇرايدى»، - دەپ جازدى اگەنتتىك. تەرگەۋ جالعاسۋدا. وزگە اقپارات تەرگەۋ مۇددەسىنە ساي جاريا ەتۋگە جاتپايدى.