بەيجىڭدە ۆاكسينا الماعان تۇرعىنداردىڭ قوعامدىق ورىنعا بارۋىنا تىيىم سالىندى

بەيجىڭ. قازاقپارات - قىتاي استاناسىنىڭ بيلىگى كوروناۆيرۋسقا قارسى ەكپە الماعان تۇرعىندارعا كىسى كوپ جينالاتىن ورىندارعا بارۋعا تىيىم سالدى.

بۇل شارا 11- شىلدەدەن باستاپ كۇشىنە ەنەدى، دەپ حابارلايدى قازاقپاراتتىڭ مەنشىكتى ءتىلشىسى.

قالالىق دەنساۋلىق ساقتاۋ كوميتەتى باسشىسىنىڭ ورىنباسارى لي اننىڭ ايتۋىنشا، COVID-19-عا قارسى ەكپە الماعان ازاماتتار بەيجىڭدەگى كىسى كوپ جينالاتىن ورىندارعا بارا المايدى. مۇنداي ورىندارعا وقۋ ورىندارى، كىتاپحانالار، مۇراجايلار، كينوتەاترلار، سۋرەت گالەرەيالارى، سپورت عيماراتتارى، فيتنەس زالدارى، ويىن- ساۋىق ورىندارى، ينتەرنەت- كافەلەر جانە باسقا دا ورىندار جاتادى.

جوعارىدا اتالعان ورىندارعا بارۋ ءۇشىن بەيجىڭ تۇرعىندارى ۆاكسيناتسيا سەرتيفيكاتىن كورسەتۋى كەرەك. شەكتەۋلەر دەنساۋلىعىنا بايلانىستى ۆاكسيناتسيا الماعان ادامدارعا قولدانىلمايدى. اتالمىش شارالار كەلەسى دۇيسەنبى، 11- شىلدەدەن باستاپ رەسمي كۇشىنە ەنەدى. وتكەن تاۋلىكتە قىتاي استاناسىندا COVID-19 ينفەكسياسىنىڭ 4 جاڭا جاعدايى انىقتالدى.

فوتو: english.www.gov.cn

اۆتور: سماعۇلوۆا ەركەجان