ەلوردادا الاش تاس جولى بويىنداعى كوپىر اشىلدى

نۇر- سۇلتان. قازاقپارات - بۇگىن نۇر- سۇلتان قالاسىنداعى الاش تاس جولىندا كۇردەلى جوندەۋدەن كەيىن كوپىر پايدالانۋعا بەرىلدى، دەپ حابارلايدى قازاقپارات.

«ءاۋ باستا كوپىر اپاتتى دەپ تانىلعان بولاتىن. كوپىردىڭ ءبىر بولىگىنە كۇردەلى جوندەۋ جۇرگىزىلدى، اتاپ ايتقاندا جول وتپەسىنىڭ اۆاريالىق بولىگى بولشەكتەلىپ، قايتا جاسالدى. جوبا بويىنشا 140 مەتر كوپىر سالىندى. سونىمەن قاتار، كوپىردىڭ ەكى جاعىنان 700 مەتردەن اسفالت توسەلدى. سونداي- اق، مەتالل ەستاكادانىڭ ءجۇرۋ بولىگى قالپىنا كەلتىرىلدى»، - دەدى گەودەزيا سالاسىنىڭ مامانى الينۇر ءابىلماجان.

ەلوردا اكىمدىگىنىڭ رەسمي سايتىندا حابارلانعانداي، 6- شىلدە، استانا كۇنىنە وراي كەزەكتە تۇرعاندارعا، جۇمىس ىستەيتىن جاستارعا، ۇلەسكەرلەرگە پاتەر كىلتتەرى تابىستالدى. بۇدان باسقا، ءبىرقاتار الەۋمەتتىك نىساندار مەن 100-گە جۋىق اۋلا جانە قوعامدىق كەڭىستىكتەردىڭ (ساياباقتار، سكۆەرلەر، بۋلۆارلار) قۇرىلىسى اياقتالۋدا، يندۋستريالىق پاركتە ەكى زاۋىت ىسكە قوسىلدى.