حالىقارالىق ەسىرتكى اينالىمىن ۇيىمداستىرۋشىلار ۇستالدى – ۇ ق ك

نۇر- سۇلتان. قازاقپارات - ۇلتتىق قاۋىپسىزدىك كوميتەتى قازاقستان مەن قىرعىزستاننىڭ كۇش قۇرىلىمدارىمەن بىرلەسە ءىس- ارەكەت ەتىپ، ورتالىق ازيا ەلدەرىنە باعىتتالعان زاڭسىز ەسىرتكى وندىرىسىمەن اينالىساتىن حالىقارالىق سينديكاتتىڭ جولىن كەستى، دەپ حابارلايدى قازاقپارات ق ر ۇ ق ك باسپا ءسوز قىزمەتىنە سىلتەمە جاساپ.

«كوپ كەزەڭدى جەدەل ءىس- شارالار شەڭبەرىندە 2-3- ماۋسىمدا الماتى قالاسىندا «альфа-PVP»

ەسىرتكى زاتىنىڭ 17,7 كەلىسىن تاسىمالداۋ جانە ساقتاۋ كەزىندە ەسىرتكى قىلمىسىنا قاتىستى توپتىڭ 4 كومەكشىسى ۇستالدى. ۇستالعانداردىڭ ءبىرىنىڭ تۇرعىلىقتى مەكەنجايى بويىنشا پسيحوتروپتىق زاتتاردى وندىرەتىن جەراستى زەرتحانا تابىلدى.

ەسىرتكى كونتراباندالىق جولمەن قىرعىزستانعا جىبەرۋگە، سونداي- اق شىمكەنت جانە وسكەمەن قالالارىندا ساتۋعا ارنالعان بولىپ شىقتى. قىلمىستىق توپتىڭ بايلانىستارىن جويۋ ءۇشىن ۇلتتىق قاۋىپسىزدىك كوميتەتى قىرعىزستاننىڭ ءى ى م- مەن ءوزارا ءىس- قيمىلدى ىسكە اسىردى. ناتيجەسىندە، 5- ماۋسىمدا بىشكەك قالاسىندا جاسىرىن جەردەن 3 كەلى ەسىرتكى زاتىن الۋ كەزىندە قىرعىزستاننىڭ 3 ازاماتى ۇستالدى. ارنايى وپەراتسيانىڭ سوڭعى كەزەڭى وسكەمەن جانە شىمكەنت قالالارىنداعى بىرمەزگىلدە 3 ەسىرتكى كۋرەرىنىڭ ۇستالۋىمەن اياقتالدى. ولاردى تەكسەرۋ بارىسىندا 2 كەلى ەسىرتكى تابىلدى»، - دەلىنگەن كوميتەت اقپاراتىندا.

جالپى، تەرروريزمگە قارسى وپەراتسيا بارىسىندا ەسىرتكى قىلمىسىنا قاتىسى بار 10 ادام ۇستالىپ، ءىرى ەسىرتكى زەرتحاناسىنىڭ جۇمىسى توقتاتىلدى. تاركىلەنگەن ەسىرتكىنىڭ جالپى سالماعى - 22,7 كەلى (68 مىڭ ءبىر رەتتىك دوزاعا تەڭ). اتالعان فاكتىلەر بويىنشا سوتقا دەيىنگى ءىس- شارالار ءجۇرىپ جاتىر.