بۇگىن ەلوردادا وتەتىن مەرەكەلىك شارالار
«اتامەكەن» ەتنو- مەموريالدىق كەشەنىندە «ەلوردا پەيزاجدارى» اتتى ارت- كورمە جۇمىس ىستەيدى. بىرىككەن مۋزەيلەر ديرەكسياسى «ەل تىرەگى - ەلوردا» كورمەسىن وتكىزەدى.
«استانا وپەرا» وپەرا جانە بالەت تەاترى «شوپەنيانا» مەن «شەحرەزادا» بالەتتەرىن ۇسىنادى. «كوليزەي» سپورت كەڭىستىگىندەگى «وتان انا» مونۋمەنتىنىڭ جانىندا ستريتبولدان «Nur Sultan Cup» تۋرنيرى ۇيىمداستىرىلادى.
«استانا بالەت» تەاترى «ورفەي جانە ەۆريديكا» بالەتىنىڭ پرەمەراسىنا شاقىرادى. ترياتلون پاركىندە «Elorda Tolqyny» سپورتتىق جارىسى بولادى.
«قازانات» يپپودرومىندا شاباندوزدار «ەلوردا كۋبوگى» ءۇشىن بايگە تۇرلەرىنەن باق سىنايدى. كەشكە، ساعات 18:00-22:00 ارالىعىندا «استانا- ارەنا» ستاديونىنىڭ تۇراعىندا ءداستۇرلى Open air
«حالىقپەن بىرگە» وتەدى.
«قازاقستان» و ك ز «دوس- مۇقاسان» ءانسامبلىنىڭ شىعارماشىلىعىنا ارنالعان «دالام مەنىڭ» كونسەرتىن ۇيىمداستىرىلادى. ال، ساعات 21:00-دە امفيتەاتر ساحناسىندا ۇلىقپان جولداسوۆ «اق قانات - اق قۇسىم» باعدارلاماسىمەن ونەر كورسەتەدى.
ايتا كەتەيىك، استانا كۇنىنە ارنالعان ءىس- شارالار ماۋسىم ايىندا باستالدى. ماسەلەن، ەرمۇرات ۇسەنوۆتىڭ 70 جىلدىعىنا ارنالعان «ءومىر داستان» كونسەرتى، ەرلەر مەن ايەلدەر اراسىنداعى بوكستان «ەلوردا كۋبوگى» حالىقارالىق تۋرنيرى، كورمەلەر ۇيىمداستىرىلدى.