كوروناۆيرۋستىڭ تاراۋىنا بايلانىستى كولىك قۇرالدارىنا قويىلاتىن تالاپتار كۇشەيتىلدى
6 شىلدە 09:14

كوروناۆيرۋستىڭ تاراۋىنا بايلانىستى كولىك قۇرالدارىنا قويىلاتىن تالاپتار كۇشەيتىلدى

نۇر- سۇلتان. قازاقپارات - كوروناۆيرۋس ينفەكسياسىنىڭ تاراۋىنا بايلانىستى ۆەدومستۆوارالىق كوميسسيانىڭ 2022 -جىلعى 1- شىلدەدەگى شەشىمىنە سايكەس،

سانيتاريالىق- پروفيلاكتيكالىق جانە سانيتاريالىق- ەپيدەمياعا قارسى ءىس- شارالاردى جۇرگىزۋ ماقساتىندا كولىكتەگى باس مەملەكەتتىك سانيتارلىق دارىگەردىڭ بيىلعى 8 -شىلدەسىنەن باستاپ كۇشىنە ەنەتىن «كولىك وبەكتىلەرىندە كوروناۆيرۋس ينفەكسياسى بويىنشا سانيتاريالىق- پروفيلاكتيكالىق جانە سانيتاريالىق- ەپيدەمياعا قارسى ءىس- شارالاردى جۇرگىزۋ تۋرالى» قاۋلىسى قابىلداندى.

اتالمىش قۇجاتقا سايكەس تۇراقتى جولاۋشىلار تاسىمالىن (اۋە، سۋ، تەمىر جول، مەتروپوليتەن) جۇزەگە اسىراتىن ۇيىمدار كولىك قۇرالدارىنداعى اۋا باپتاۋ، جەلدەتۋ جۇيەلەرىنە تەكسەرۋ جۇرگىزۋدى جانە جەلدەتكىش سۇزگىلەرىن اۋىستىرۋدى؛

مامانداندىرىلعان كولىك قۇرالدارىن (پەرروندىق اۆتوبۋستاردى) قوسپاعاندا، كولىك قۇرالىنا جولاۋشىلاردى ورىنداردىڭ سانىنان اسپايتىن مولشەردە وتىرعىزۋ؛

كولىك قۇرالىنىڭ سالونىن جەلدەتۋ، دەزينفەكسيالاۋ قۇرالدارىن قولدانا وتىرىپ، سالوندى ىلعالدى تازالاۋ جانە اۋىسىم اياقتالعاننان كەيىن قوعامدىق كولىكتەرگە دەزينفەكسيا جۇرگىزۋدى قامتاماسىز ەتۋ تالاپ ەتىلەدى.

حالىقارالىق اۋەجايلاردىڭ، تەمىرجول ۆوكزالدارىنىڭ، تەڭىز جانە وزەن پورتتارىنىڭ باسشىلارىنا اۋا تەمپەراتۋراسى مەن ىلعالدىلىعىنىڭ وڭتايلى جاعدايىن قامتاماسىز ەتۋ ءۇشىن تازالاۋدى، جۋۋدى، دەزينفەكسيالاۋدى، جەلدەتۋ جانە اۋانى باپتاۋ جۇيەلەرىنىڭ سۇزگىلەرىن اۋىستىرۋدى قامتاماسىز ەتۋ؛

جولاۋشىلاردىڭ ورىندارىن جۋۋ جانە دەزينفەكسيالاۋ قۇرالدارىن پايدالانا وتىرىپ، جالپى تازالاۋ جۇمىستارىن جۇرگىزۋ؛

بارلىق بولمەلەردى ءجيى جەلدەتۋ؛

كۇتۋ زالدارىندا، انا مەن بالا بولمەلەرىندە، سانيتاريالىق توراپتارعا كىرە بەرىستە قولدى تازارتۋ قۇرالدارىن ورناتۋ؛

قىزمەتكەرلەر اراسىندا COVID-19 كەزىندە جەكە قورعانۋ قۇرالدارىن قولدانۋ الگوريتمى، جەكە/قوعامدىق گيگيەنا ەرەجەلەرىن ساقتاۋ، كۆارتس شامدارىن پايدالانۋ كەزىندە قاۋىپسىزدىك شارالارىن ساقتاۋ؛

قىزمەتكەرلەردىڭ ماسكالار مەن انتيسەپتيكتەردى مىندەتتى تۇردە قولدانۋى؛

وقشاۋلاۋ بولمەسى بار مەديتسينالىق نەمەسە ساۋىقتىرۋ پۋنكتىنىڭ تۇراقتى جۇمىسى؛ كەمىندە 60 مينۋت سايىن جولاۋشىلاردى راديوحابار (داۋىس زورايتقىش ارقىلى حابارلاۋ) ارقىلى كوروناۆيرۋس ينفەكتسياسىنىڭ الدىن الۋ شارالارى تۋرالى حاباردار ەتۋ.

«بۇل رەتتە جولاۋشىلارعا اۋەجايلاردىڭ، ۆوكزالداردىڭ، جولاۋشىلارعا قىزمەت كورسەتۋ پۋنكتتەرىنىڭ عيماراتتارىندا، قوعامدىق كولىكتە جۇرگەندە بەتپەردە كيۋ ۇسىنىلادى»، - دەلىنگەن كولىكتەگى سانيتارليالىق- ەپيدەميولوگيالىق باقىلاۋ دەپارتامەنتىنىڭ باسپا ءسوز قىزمەتى تاراتقان اقپاراتتا.

جاڭالىقتار