وزبەكستان س ءى م: اۋعانستاننان وزبەكستان اۋماعىنا بەس سنارياد قۇلادى
6 شىلدە 08:36

وزبەكستان س ءى م: اۋعانستاننان وزبەكستان اۋماعىنا بەس سنارياد قۇلادى

تاشكەنت. قازاقپارات - 5 -شىلدەدە وزبەكستاننىڭ شەكارا اۋماعىنا بولجام بويىنشا اۋعانستان جاقتان ۇشىپ كەلگەن بەس رەاكتيۆتى سنارياد قۇلادى، دەپ حابارلايدى «قازاقپارات» ح ا ا مەنشىكتى ءتىلشىسى وزبەكستان رەسپۋبليكاسىنىڭ سىرتقى ىستەر مينيسترلىگىنە سىلتەمە جاساپ.

«2022 -جىلدىڭ 5- شىلدەسىندە ساعات 16.20-دا وزبەكستاننىڭ شەكارا اۋماعىنا بەس رەاكتيۆتى سنارياد قۇلادى. الدىن الا مالىمەت بويىنشا، ولار اۋعانستان اۋماعىنان ۇشىرىلعان»، - دەدى س ءى م.

ۆەدومستۆودا اتاپ وتكەندەي، سنارياد قۇلاعاندا جارىلماعان، ەشكىم زارداپ شەكپەگەن جانە ەشتەڭە قيراماعان. تەرمەز قالاسى «ماجنۋنتول» ماحاللاسىنداعى ءتورت جەر ۇيگە بولماشى زاقىم كەلگەن، بەسىنشى سنارياد فۋتبول الاڭىنان تابىلدى. تابىلعان سناريادتاردى ساپەرلەر زالالسىزداندىردى. قازىرگى ۋاقىتتا وزبەكستاننىڭ جاۋاپتى ورگاندارى اۋعان تاراپىمەن بىرلەسىپ وقيعانىڭ سەبەبىن انىقتاپ جاتىر.

جاڭالىقتار