تۇركىستاندا كۇن كوزىنەن قۋات الاتىن مەكتەپتەر سانى ارتادى
5 شىلدە 22:29

تۇركىستاندا كۇن كوزىنەن قۋات الاتىن مەكتەپتەر سانى ارتادى

تۇركىستان. قازاقپارات - تۇركىستان قالاسىنداعى نازاربايەۆ زياتكەرلىك مەكتەبىندە كۇننەن قۋات الاتىن ەلەكتر قوندىرعىسى ورناتىلادى، دەپ حابارلايدى قازاقپارات ءتىلشىسى.

بۇل جوبا وسكەلەڭ ۇرپاقتىڭ وقۋعا دەگەن قىزىعۋشىلىعىن ارتتىرۋعا جانە بالامالى ەنەرگيا كوزدەرىنىڭ جاڭا مۇمكىندىكتەرى جايىندا حاباردار ەتۋگە باعىتتالعان. وقۋشىلاردىڭ ەكولوگيالىق مادەنيەتىن كوتەرۋ، تابيعاتقا جاۋاپكەرشىلىكپەن قاراۋعا تاربيەلەۋ ءۇشىن دە ماڭىزدى.

جوبا جۇزەگە اسقاندا وقۋ ورنى تۇتىناتىن ەلەكتر ەنەرگياسىن جىلىنا %30 عا دەيىن ۇنەمدەيدى. ءارى وقۋشىلاردىڭ زەرتحانا ورتالىعىنا اينالادى.

بۇگىندە تۇركىستان ءوڭىرى ەلىمىز بويىنشا مەكتەپ سانىنان دا، بالا تۋۋ كورسەتكىشى بويىنشا دا كوش باستاپ كەلەدى. وبلىس اۋماعىندا 900 دەن استام ءبىلىم ۇياسى بار. وسى ورايدا جاڭا جوبانى اۋىلدىق جەرلەردەگى مەكتەپتەردە دە قولعا الۋ ماسەلەسى قارالۋدا.

ايتا كەتەيىك، بۇگىنگە دەيىن تۇركىستان قالاسىنداعى ج. تاشەنوۆ اتىنداعى №23 IT ليتسەيىنە قۋاتتىلىعى 50 كيلوۆاتقا تەڭ كۇن ەلەكتر ستانتسياسى ورناتىلعان.

جاڭالىقتار